नेपाल उद्योग वाणिज्य महासंघके लौवा सदस्यके पदस्थापन

पहुरा समाचारदाता
धनगढी, ३२ सावन । नेपाल उद्योग वाणिज्य महासंघ सुदूरपश्चिम प्रदेशके नयाँ मनोनित कार्यकारिणी समिति सदस्यहुकनके पदस्थापन करुवागिल बा ।
बिफेक रोज संघके अपने हलमे एक समारोहके आयोजना करके नव मनोनित सदस्यहुकनके पदस्थापन कैगिल हो । संघके मनोनित सदस्यमे मेघ राज दाहाल, तेज बम, भीम शाही, सीता भट्टराई रहल बटै ।
ओस्टेक धनगढीसे ओम प्रकाश अग्रवाल, माया प्रकाश भट्ट, दार्चुला गजेन्द्रविर चन्द ओ मंगल सिंह ठगुन्नाहे सल्लाहकारमे मनोनित करल बा । कलेसे कानुनी सल्लाहकारमे धनगढीके विर बहादुर जेठारा, डोटीके नरेन्द्र खड्का, राम बहादुर भण्डारी, टीकापुर अत्तरियाके अशोक देवकोटा, महेन्द्रनगरके कृष्ण प्रसाद पाठक, खेम राज कुंवर, बम बहादुर शाहहे मनोनित करल बा ।
संघके प्रेस सल्लाहकारमे नेपाल पत्रकार महासंघ सुदूरपश्चिमके अध्यक्ष योगेश रावल, आर्थिक सल्लाहकारमे सौभाग्यराज पाठक, रामबहादुर शाह, तिर्थराज पन्त, विवेक भट्ट, चेतराज जोशी, सुजितराज शर्मा, महेशबहादुर मल्ल, लक्ष्मी दत्त पाण्डे, पदम राज बोहरा जैशी, जितेन्द्र बोगटी, वाला राम जैशी, धर्म राज जोशी, भगवती रेग्मी ओ सुरेन्द्र शाहीहे मनोनित करल बा ।
