लागू औषध विरुद्व महाअभियान

पहुरा समाचारदाता
धनगढी, ३२ सावन । सुदूरपश्चिम प्रदेश प्रहरी कार्यालयसे जिल्ला प्रहरी कार्यालयके सहकार्य ओ समन्वयमे लागू औषध नियन्त्रण सम्बन्धी जनचेतनामूलक प्रशिक्षण कार्यक्रम करले बा ।
लागू औषध दुरुपयोगके समस्या प्रतिदिन तीब्र रुपमे बह्रटी गैल ओरसे यिहीसे विशेष करके किशोर किशोरीनहे प्रभावित हुई पुगल अवस्थामे यिहीहे न्यूनीकरण करेक लाग “लागू औषध विरुद्वके महाअभियान, २०८०” अन्तर्गत लागू औषध नियन्त्रण सम्बन्धी जनचेतनामूलक प्रशिक्षण कार्यक्रम करल हो ।
धनगढी उप–महानगरपालिका वडा नं.४ उत्तरवेहडी स्थित नाष्ट कलेजमे उ कार्यक्रममे कक्षा ११ ओ १२ मे अध्ययनरत छात्र ÷ छात्रा करके २४१ जानेक उपस्थिति रहे ।
उ कार्यक्रममे सुदूरपश्चिम प्रदेश प्रहरी कार्यालय धनगढी, कैलालीका प्रहरी उपरीक्षक श्यामसिंह चौधरी लगायत प्रहरी अधिकृतसे उपस्थित छात्र, छात्राहुकनहे लागू औषध विरुद्धके महाअभियान, २०८० अन्तर्गत लागू औषधके परिचय, सेवनकर्ताममे विल्गैना लक्षण, समग्र रुपमे पर्ना वृहत असर ओ कानूनी प्रावधानके विषयमे जनचेतनामुलक प्रशिक्षण प्रदान कैना साथे उ प्रशिक्षणमे सहभागीसे लागू औषध सम्बन्धी पुछल जिज्ञासाके सम्बोधन समेत करल रहिट ।
