कैलारी–७ मे थाकसके वडा समिति गठन

पहुरा समाचारदाता
हसुलिया, ३२ सावन । थारु कल्याणकारिणी सभासे कैलारी गाउँपालिका वडा नम्बर ७ मे वडा कार्य समिति गठन करले बा ।

थारु कल्याणकारिणी सभा कैलारीके सभापति अशोक चौधरीके संयोजकत्वमे विफेक रोज हुइल भेलासे जनक चौधरीके सभापतित्वमे नौ सदस्यीय वडा समिति गठन कैगिल हो । वडा कार्य समितिके उपसभापतिमे गुल्पीदेवी चौधरी, सुगरानी चौधरी ओ मोतिलाल चौधरी रहल बटै ।

ओस्टेक करके कोषाध्यक्षमे उर्मिला चौधरी, सचिवमे महाविर चौधरी, सहसचिवमे कलम बहादुर चौधरी, सदस्यमे रामकिसन चौधरी ओ प्रमिसा चौधरी रहल बटै । कार्यक्रममे थाकस कैलारीके सहसचिव लगायत साधारण सदस्य, स्थानीय बुद्धिजिवीहुकनकेफे सहभागिता रहल रहे ।