अबके राजनीति युवापुस्ताके काँधमेः आरजु
पहुरा समाचारदाता
धनगढी, २ भदौ । नेपाली कांग्रेसके नेतृ डा. आरजु राणा देउवा आबके राजनीति युवा पुस्ताके काँधमे आइ लागल ओरसे संगठन बल्गर बनैना ओर लागे पर्ना बटैले बटी ।
नेविसंघ कैलालीके अयोजनामे शनिच्चरके रोज धनगढीमे हुइल रक्तदान तथा वनभोज कार्यक्रमके वडका पहुना रहल उहाँ कार्यक्रममे सम्बोधन करटी उहाँ उ बाट बटवाइल रहिट ।
केन्द्रीय सदस्य देउवा अब्बे सक्कु ओर युवाहुक्रे अग्रपंतीमे आइल ओरसे आबके राजनीतिक भविष्य युवाहुकनके काँधमे रहल बटैली ।
देश विकास कैना नेपाली कांग्रेसके महत्वपुर्ण भूमिका बा,’ उहाँ कहली, ‘युवाहुक्रे साकारात्मक सोचके साथ आघे बह्रे परठ, सामाजिक संजालमे नेताहुकनहे गारी करके केल कुछ परिवर्तन हुइना वाला नइहो ।”
नेपाल विद्यार्थी संघ कांग्रेस राजनितिके नर्सरी रहल ओरसे साकारात्ममे बिचारभावके साथ आघे बह्रना नेपाल विद्यार्थी संघहे नेतृ देउवासे आग्रह समेत करली ।
अब्बे संबिधानभिटर रहल व्यवस्थाहरु समेत बारबार खतरामे परटी रहल बटैटी नेता देउवा यकर रक्षा कांग्रेससे केल करे सेक्ना समेत दाबी करली । संविधानमे रहल व्यवस्थामे बार बार धरापमे पर्ना रहल ओरसे संविधानके रक्षा नेपाली कांग्रेससे केल संरक्षण करे सेकल स्मरण समेत करैली । पछिल्का समयमे लोकतान्त्रिक मूल्य मान्याताके संस्थागत कैना गठबन्धनके सरकार क्रियाशिल रहल समेत देउवा बटैली ।
