टीकापुर विद्रोह दिवस मनैना जिम्मेवारी बाँडफाँड
पहुरा समाचारदाता
धनगढी, २ भदौ । कैलालीके टीकापुरमे भदौ ७ गते टीकापुर विद्रोह दिवस २०८० मनाइक लाग टमान उपसमिति गठन कैगिल बा ।
थारू कल्याणकारिणी सभा ओ थरुहट थारुवान राष्ट्रिय मोर्चा कैलालीके संयुक्त आयोजनामे टीकापुरमे सम्पन्न हुइल बैठकसे टमान जिम्मेवारी बाँडफाड कैगिल मोर्चाके कैलालीके प्रवक्ता माधव थारु बटैलै ।
रामकृष्ण चौधरी ‘अभ्यास’ के संयोजकत्वमे मास परिचालन उप समिती गठन कैगिल बा । यकर सदस्यमे धनिराम चौधरी ( बरघर), राम बहादुर चौधरी (बरघर), सीता चौधरी, ओ थाकस पालिकास्तरिय समितिक सभापतिहुँक्रे रहल बटै ।
शिवनारयण चौधरी(निरु)के संयोजकत्वमे आर्थिक परिचालन उप समिती गठन कैगिल बा । जेकर सदस्यमे गोपाल चौधरी, देशराज चौधरी, विकास चौधरी, उमा चौधरी, भागीराम चौधरी ओ थाकस पालिकाके सक्कु सभापति रहल बटै ।
लौटन चौधरीके संयोजकत्वमे मञ्च व्यवस्थापन उप समिती गठन कैगिल बा । जेकर सदस्यमे रामकृष्ण चौधरी ‘अभ्यास’, शर्मिला चौधरी रहल बटै ।
ओस्टेक कैके थारु विद्यार्थी समाज कैलालीके अध्यक्ष आशिष चौधरीके संयोजकत्वमे युवा स्वयंसेवक उपसमिती गठन कैगिलक मोर्चाके प्रवक्ता थारु बटैलै ।
