शान्ति परियोजनासे संचालित गतिविधिके मुल्याङकन

पहुरा समाचारदाता
धनगढी, ३ भदौ । मानव अधिकारको लागि महिला एकल महिला समुह सुदुर पश्चिम प्रदेश कार्यालय धनगढीसे सन २०१८ से २०२० सम कैगिल शान्ति परियोजनाके गतिविधिके मुल्यांकन कैगिल बा ।

शनिच्चरके रोज समाज कल्याण परिषदके प्रतिनिधि, मानव अधिकारको लागि महिला एकल महिला समुह सुदुरपश्चिम प्रदेश ओ जिल्ला कार्यसमिति ओ सरोकारवाला निकायविच परियोजनाके गतिविधिके मुल्यांकन कैगिल बा ।

कैलालीके धनगढी उपमहानगरपालिका, घोडाघोडी नगरपालिका, कैलारी गाउपालिका, कञ्चनपुर जिल्लाके वेदकोट नगरपालिका ओ अछामके रामारोसन गाउँपालिकामे परियोजना संचालन हुइल बा । परियोजनाके प्रतिवेदन प्रस्तुत प्रदेश अधिकृत वेद अवस्थी करल ।

परियोजनासे कैलालीमे हालसम ४५ जाने द्वन्दप्रभावित तथा एकल महिला आयआर्जन बाख्रापालन करल रहिट । नेफाल रेडक्रस कैलालीके आर्थिक सहयोगमे १० जाने व्यत्ति १०–१० हजार रुपैया डेहुवाइना सफल रहे । जेम्ने उहाँहुक्रे बाख्रापालन करल रहिट । ५ जाने द्वन्दप्रभावित तथा एकल महिलाहे ओ २ जाने ठेला चाउमिन तालिमके सामाग्री उपलब्ध करैना सफल हुइल बा । द्वन्दप्रभावित तथा एकल महिलाहे संगठित कैना सेवक नेपालसंगके सहकार्यमे हुइल बा ।

१५ जाने एकल तथा द्वन्दप्रभावित महिलाहे बेम्टीखेती सम्बन्धी तालिम ओ सामाग्री उपलब्ध कराइल बा ।

स्थानीयस्तरके नगरपालिका ओ गा.पामे दन्द्धप्रभावित महिलाहुकनके लाग बजेट छुट्यइना सफल हुइल उहाँ बटैली । कंचनपुर जिल्लाके द्वन्द्वप्रभावित महिनाके बेतकोट नगरपालिकासे १,५०,००० रकम आयआर्जन कार्यक्रम बाख्रापालनके लाग छुट्यइना सफल हुइल बा ।

आ.व. ०७५/७६ प्रदेश सभा सदस्य माननीय डिल्लीराज पन्त के संसादकोषसे एकल तथा द्वन्द्वप्रभावित महिलाके लाग आठ लाख रुप्याके गार्मेन्ट तालिमके लाग रकम विनियोजित कैगिल रहे ।

नेपाल रेडक्रसके आर्थिक सहयोगमे १०० जाने विपन्न जेष्ठ नागरिक एकल महिलाहे २ सय ठो कम्बल वितरण, टमान मेरिक द्वन्दप्रभावित महिला ओ एकल महिला विच सद्भाव कायम करैना सफल हुइल बा ।

कैलारी गाउपालिका वार्ड नं. ६ वनकट्टामे द्वन्दप्रभावितहुकनके शान्ति संग्राहलय बनाइक लाग कैलारी गाउपालिका वडा नं. ६ वडा कार्यालयसंग समन्य करके वडा कार्यालयसे ९ लाख रकम द्वन्दप्रभावित संग्राहलय भवन निर्माणके लाग छुट्यइना सफल हुइल रहे ।

द्वन्द्व प्रभावित महिला तथा एकल महिला समुहमे नियमित मासिक बैठक, १० जाने द्वन्दप्रभावित महिलाहे विपत जोखिम सम्बन्धी तालिम डेहुवाइल बा ।

कैलालि जिल्लामे स्थानीय सरकारके आ.व. २०७५।२०७६ अन्तरगत द्वन्द्वप्रभवित महिलाके लाग ओ एकल महिलाके लाग चुरियामे बुट्टा भर्ना तालिमके लाग २ लाख, कुसन बनैना तालिम १ लाख ५० हजार, क्षमता विकास तालिम ५० हजार ओ हाते होजियारी तालिमके लाग ५० हजार रकम छुट्यइना सफल हुइल बा ।

१५ जाने एकल महिला तथा द्वन्द्वप्रभावित महिलाहे वेतवास सम्बन्धी तालिम, मानव अधिकार सम्बन्धी तालिम ४ जाने ओ मध्यस्थकर्ताके तालिम २ जाने द्वन्दप्रभावित महिलाहे डेहुवाइल बा ।

स्थानियस्तरके आ. व. विनियोजित संयन्त्रके समितिमे द्वन्दप्रभावित महिलाके ५ जनहाहे सहभागिता करैना सफल हुइल बा ।
अछाम जिल्लाके रामारोशन गाउँपालिकामे १ लाख रकम द्वन्दप्रभावित तथा एकल महिलाके लाग क्षमता विकास तालिम कार्यक्रम छुट्यइना सफल हुइल बा ।

गोदावरी नगरपालिका वडा नं. ५, ३ ओ २ मे ६० ठो बाखा ६० जाने एकल महिलाहे वितरण कैगिल बा ।

स्थानीय सरकारके राहत कार्यक्रममे १८५ जाने ज्यालादारी एकल महिलाहे राहत डेहुवइना सफल हुइल बा । लक डाउनके वेला लम्की चुहा नगरपालिका वडा नं. २ थकालीपुरके दृष्टि विहिन मिना वि.कहे बुटवल नगरपालिका वडा नं. १२ मे कार्यक्रमके सिलसिलामे जाईबेर घर आई नइसेक्के बुटवल नगरपालिकाके प्रहरी कार्यालयसंग समन्वय करके लम्की पुगैना सफल हुइल रहे ।

९ औं अन्तराष्ट्रिय एकल महिला दिवसके अवसरमे २३ जुन २०१९ के दिन जेष्ठ नागरिक एकल महिलाहे कैलालीमे सम्मान कार्यक्रम कैगिल रहे । जिआइजेडके आर्थिक सहयोगमे कम्पोस्टेबल सिनेटर प्याड बनैना तालिम ५ वजन विव तथा कच्चा पदार्थ ओ मेसिन प्राप्त कैना सफल हुइल बा ।

द्वन्द्व प्रभावित महिलाके सवाल विषयक प्रदेश स्तरीय छलफल तथा मानव अधिकारका लागि महिला एकल महिला समुह कैलाली छहारि उदघाटन कार्यक्रम ११ सेप्टेम्बर २०१९ सालमे हुइल रहे । अन्तर्राष्ट्रिय दिवस सरोकारवाला संग सहकार्यमे टमान कार्यक्रम दिप फ्रज्जवलन अन्तरक्रिया, र्‍याली, जेष्ठ नागरिक एकल महिलाहे सम्मान कार्यत्रम करके मनागिलफे प्रदेश अधिकृत अवस्थी बटैली ।

शान्ति परियोजनाके गतिविधिके मुल्यांकन कार्यक्रममे समाज कल्याण परिषदके अधिवक्त नरेन्द्र खनाल, लेखा अधिकृत उर्मिला ठगुन्ना, डब्लुएचआर केन्द्र्रीय कार्यलयके परियोजना संयोजक राजिन रायमाझी, धनगढी उपमहानगरपालिका वडा नम्बर १ वडा अध्यक्ष सन्तोष मुडभरी, वडा नम्बर ५ के वडा अध्यक्ष गजेन्द्र शाही, नेपाल पत्रकार महासंघ कैलालीके सचिव प्रेम चौधरी, मानव अधिकारको लागि महिला एकल महिला समुह सुदुरपश्चिम प्रदेश ओ जिल्ला कार्यसमिति पदाधिकारीहुकनके सहभागिता रहे ।