वल्र्ड लिंकसे कैलारीमे सेवा विस्तार
पहुरा समाचारदाता
हसुलिया, १० भदौ । वल्र्ड लिंकसे कैलारी गाउँपालिकामे फाइवर नेटसहितके सेवा सुविधा विस्तार करले बा ।
वल्र्ड लिंक प्रालिसे अँटवारके रोज हसुलियामे एक कार्यक्रम करके सेवा विस्तार जनैले बा । कैलारी गाउँपालिकाके उपाध्यक्ष भगवतीकुमारी चौधरीके वडका पहुनामे हुइल कार्यक्रममे उहाँ वल्र्ड लिंकहे गुणस्तरिय सेवा प्रदान कैना आग्रह करली । उहाँ कहली, ‘ग्रामीण क्षेत्रमे गुणस्तरीय सेवाके अभाव बा । कतिपय समयमे यहाँ इन्टरनेट सेवा धोखा डेहलपाछे काम कैना कर्रा रहठ । वल्र्ड लिंक पहिलेसे सेवा प्रदान करल रहे । अब्बे फाइवरनेट सेवा प्रदान करले बा । यिहीसे प्रदान कैना सेवा गुणस्तर बनैटी सेवाग्राहीके मन जिटना आग्रह करली । ओस्टेक करके उहाँ वल्र्ड लिंकसे कैलारीके एक÷ दुई ठाउँमे निःशुल्क सेवाके व्यवस्था कैनाफे आग्रह करली ।
कार्यक्रममे वल्र्ड लिंकके धनगढी शाखा इन्चार्ज राजेन्द्र विष्ट हसुलियामे विस्तार कैना सेवाबारे जानकारी डेहल रहिट । वल्र्ड लिंकसे हसुलियामे सुरुवाट करल सेवा विस्तार अब्बे भारी छुटमे प्याकेट नानल उहाँ बटैलै । उहाँ वल्र्डसेसे ९ हजार ७६० रुप्यामे एक बर्षके लाग १२० एमविपिएस इन्टरनेट ओ संग्गे नेटटिभिके व्यवस्था रहल उहाँ बटैलै । ओस्टेक करके दुसर बरष नविकरण करेबेर ओम्ने १ हजार छुट हुइना उहाँ बटैलै ।
वल्र्ड लिंकके अत्तरिया शाखा इन्चार्ज मुकेश चौधरीके अध्यक्षतामे हुइल सेवा विस्तार कार्यक्रममे कैलारी गाउँपालिकाके प्रमुख प्रशासकीय अधिकृत विरबहादुर ऐरलगायत संचारकर्मी, वल्र्ड लिंकके कर्मचारीहुकनके सहभागिता रहे ।
