इप्रका हसुलियासे अवैध सालके काठ नियन्त्रण

पहुरा समाचारदाता
हसुलिया, १० भदौ । इलाका प्रहरी कार्यालय हसुलिया तीन ठो गोलिया कठुवा बरामद करले बा ।

इलाका प्रहरी कार्यालय हसुलियासे खटल प्रहरी टोली आज दिनके साढे १ बजेओर कैलारी गाउँपालिका वडा नम्बर १ मझरा बमनगरसे दुई ठो गोलिया नियन्त्रणमे लेहल हो ।

इलाका प्रहरी कार्यालय प्रमुख राजेन्द्र सिह कार्कीके अनुसार प्रहरी गस्ती टोलीसे गस्ती कैना क्रममे लठुवा सामुदायिक वनके छेउमे नुका छिपाके धारल अवैध सालके काठ १२ फिट २ ठो गोलिया, १४ फिट १ ठो गोलिया करके जम्मा क्यूफिट १२६.४७ काठ नियन्त्रणमे लेहल बा ।

नियन्त्रणमे लेहल काठ आवश्यक कार्वाहीके लाग सब डिभिजन वन कार्यालय वसन्ताके जिम्मा लगाइल उहाँ बटैलै ।