धनगढीके अपि सैपालमे १०० रुप्यामे भात पैना

पहुरा समाचारदाता
धनगढी, १३ भदौ । धनगढीके अपि सैपाल थकाली खाना घर एण्ड क्याफे एक सय रुप्यामे खाना खवैना हुइल बा ।

बुधसे धनगढीके रंगशाला आघे खुलल खाना घर शाकाहारी खाना एक सयमे खवैना जनैले बा । खाना घरमे स्पेसल थकाली खाना, कोदो ओ मकैके रोटी, कोदोके ढिडोसमेत उपलब्ध रहल सञ्चालक रामबहादुर बोहरा बटैलै ।

खाना घरसंगे क्याफेके उदघाटन प्रदेश सभामुख भीमबहादुर भण्डारी करल हुइट । बझाङके बुङ्गल नगरपालिका घर रहल खाना घर तथा क्याफे सञ्चालक बोहरा करिब ७० लाखके लगानीमे खाना घर ओ क्याफे सञ्चालनमे ल्यानल बटैलै । खाना घर एण्ड क्याफेमे रेष्टुरेन्ट, क्याबिन ओ दुई ठो डाइनिङ हल रहल बटै ।

खाना घरमे मटन ओ लोकल चिकेन खाना २५० मे खवैना बा कलेसे थकाली खानाके मूल्य ४२०, कोदो ओ मकैके रोटी, चटनी, साग ओ मोहिके १७० रुप्या मूल्य रहल बा । होटल सञ्चालक बोहरा बझाङके अर्गानिक मकै ओ कोदो ओ भाङोके चटनी ओ मोही नास्ताके रुपमे उपलब्ध हुइना बटैलै । उहाँ स्कुल कलेज पढ्न विद्यार्थी ओ और कामकाजी व्यक्तिहुकनहे मध्यनजर करके एक सयमे शाकाहारी खाना उपलब्ध करैना सोच बनाइल बटैलै ।