शिव शिखर ठगीके नाइके शर्मा कारागार चलान

काठमाण्डौं, १४ भदौ । शिव शिखर सहकारीके संगठित ठगीके नाइके केदारनाथ शर्मा कारागार चलान हुइल बटै ।
बुधके जिल्ला अदालत, काठमाडौं उहाँहे पुर्पक्षके लाग कारागार चलान करल हो ।

प्रहरीके केन्द्रीय अनुसन्धान ब्युरो (सिआइबी) के अनुसन्धानके आधारमे जिल्ला सरकारी वकिल कार्यालयसे ओइने विरुद्ध संगठित सहकारी ठगीसम्बन्धी मुद्दा दायर करल रहे रहे । जेम्ने उहाँ थुनामे गैल ओ पक्राउ परल अन्य तीनजनहनहे धरौटीमे छोरना आदेश हुइल हो ।

उहाँसंगे पक्राउ परल कीर्तिपुर शाखाके प्रमुख रसना शाक्यसंग १० लाख तथा लेखा समितिके सदस्य रहल रमेश खाइजू ओ शिवप्रसाद पौड्यालसंग सात–सात लाख धरौटी रकम माग हुइल बा । उहाँ मध्ये रसना धरौटी बुझाके छुटल बटै । कलेसे अन्य दुई जेल चलान हुइल बटै । ओइनहे अन्य जिल्लामे फे मुद्दा चलैना प्रहरी तयारी बा ।