अबैध भन्सार छलिके सामान बरामद

पहुरा समाचारदाता
धनगढी, १७ भदौ । प्रहरीसे कैलाली ओ कञ्चनपुर जिल्लाके टमान ठाउँसे अबैध भन्सार छलिके सामान बरामद करले बा ।

प्रहरीसे भजनी न.पा. ५ कर्मदेवघाट लग्गेसे अवैध रुपमे भन्सार छलि करके ल्यानल २५ हजार बराबरके मच्छरी ओ धनगढी उप–महानगरपालिका २ फिसरिसोर्ट लग्गे अबैध रुपमे भन्सार छलि करके ल्यानल ९ हजारके लेडिज सुट अँटवार सकारे प्रहरी गस्ती टोलीसे फेला पारके आवश्यक प्रकृया पुरा करके नियन्त्रणमे लेहल हो ।

ओस्टेक करके कञ्चनपुरके पुनर्वास न.पा.११ गुम्बा पाछेसे अवैध रुपमे भन्सार छलि करके ल्यानल ७५ हजारके भाईरल साडी, लेडिज सुट, धोती लगायतके सामान प्रहरी गस्ती टोलीसे फेला पारके आवश्यक प्रकृया पुरा करके नियन्त्रणमे लेहल हो ।