काठमाण्डौमे बैठना थारु समुदाय सामुहिक अष्टिम्की टिक्ना
पहुरा समाचारदाता
काठमाण्डौ, १९ भदौ । काठमाण्डौमे बैठना थारु समुदायसे यिहे २० गते सामुहिक रुपमे अष्टिमकी टिहुवार २०८० मनैना तयारीमे जुटल बटै ।
थारु राष्ट्रिय अष्टिम्की टिहुवार २०८० मुल आयोजक समिति काठमाण्डौके आयोजनामे यिहे भदौ २० गते क्रिष्टल पार्टी भेन्यु विजुली बजार काठमाण्डौमे दिनके १२ बजेसे अष्टिम्की टिक्ना कार्यक्रमके तयारी कैगिल बा । थारु समुदाय कला, संस्कृति संरक्षणके लाग एकजुट हुई गैल ओरसे यी बरस राजधानीमे सामुहिक अष्टिमकी टिक्ना कार्यक्रमके आयोजना कैगिल हो ।
कार्यक्रमहे सफल बनाइक लाग थारु समुदायके हकअधिकारके क्षेत्रमे काम कैना संघ संस्थासे लेके टमान व्यावसायिक फर्मसे आयोजकके रुपमे रहल बा । आयोजकमे अग्रासन थारु महिला समुह, बर्दियाली थारु विकास मञ्च, चम्पन सांस्कृतिक समुह, राष्ट्रिय थारु कलाकार मञ्च, नेपाल थारु कलाकार संघ, निसराउ समुह, न्यौछार समुह, सुशेली कलेक्शन एण्ड बुटिक, थारु युनिक बचत समुह, सर्वहित समाज नेपाल रहल बा ।
ओस्टेक करके थरुहट थारुवान राष्ट्रिय मोर्चा, जेनस इन्टरनेशनल प्रालि, परिवार गल्स होस्टेल, थारु विद्याथी समाज केन्द्रीय समिति, होटल ज्यौनास, बरघर रेष्टुरेन्ट, सोना फिल्म प्रालि, सुई धागा टेलर्स, आइएम ग्रुप, सस्तो बजार डटकमलगायत आयोजक रहल बटै ।
