थाकस धनगढी नगर समितिके अध्यक्षमे सूर्य चौधरी

पहुरा समाचारदाता
धनगढी, १९ भदौ । थारु कल्याणकारिणी सभा धनगढी नगर समितिके डुसरा नगर अधिवेशन हुइल बा ।

अधिवेशनसे सूर्य प्रसाद चौधरीके संयोजकत्वमे ११ सदस्यीय धनगढी नगर समिति हुइल बा । समितिके उपसभापतिमे दल बहादुर दहित, बुद्धिराम चौधरी, सचिवमे रामनारायण चौधरी, सहसचिवमे जितराम चौधरी ओ कोषाध्यक्षमे चन्की चौधरी रहल बाटै । ओस्टके समितिके सदस्यमे सरिता चौधरी, करिस्मा चौधरी ओ जागुराम चौधरी लगायत रहल बाटै ।

कार्यक्रममे थाकस केन्द्रीय सदस्य प्रभातकुमार चौधरी, इन्दु थारु, थाकस कैलालीके कार्यवाहक सभापति माधव चौधरी, धनगढी गाउँके भलमन्सा सरोज चौधरी, थारु वुद्धिजीवी समाजसेवी लगायतहुक्रनके उपस्थिति रहल रहे ।