थारु समुदाय अष्टिम्की टिहुवार मनैल
पहुरा समाचारदाता
धनगढी, २१ भदौ । कैलाली ओ कञ्चपुरके थारु समुदाय हर्षोल्लासके साथ अष्टिम्की टिहुवार मनैले बटै ।
बुधके रोज दिनभर निराहर ब्रत बैठके अष्टिम्की टिकल ओ विफेक विहान लडियामे अस्राके यी टिहुवार मनाइल थारु कल्याणकारिणी सभा पुर्व सहमन्त्री इन्दिरा चौधरी बटैली । मौलिक चालचलन तथा संस्कृति बोकल आदिवासी थारु समुदाय भदौ २० ओ २१ गते अष्टिम्कि पर्व मनाइल उहाँ बटैली ।
ब्रतालु जन्यवान ओ लवरियन दिनभर पानीफे नइखाके साँझपख घरके भित्ता ओ सामुदायिक भवनमे कोरल पौराणिक चित्रमे टिक्न अर्थात पूजा कैना रातभर कान्हके गीत गैना चलन रहल उहाँ बटैली ।
कैलालीके टमान ठाउँमे सामुदायिक भवनमे सामुहिक अष्टिकी टिक्ना कार्यक्रम आयोजना हुइल थारु कल्याणकारिणी सभाके कैलालीकृे कार्यबाहक सभापति माधव थारु बटैलै । यी बरसके अष्टिमकी ओराइलपाछे डिडीबहिनीय ओ भ्वाज हुइल चेलिनहन अग्रसानफे डेहल उहाँ बटैलै ।
