प्रगतिशील लोकतान्त्रिक विकल्पके लाग सम्बाद
पहुरा समाचारदातादाता
धनगढी, २४ भदौ । नेपालमे राजनीति दलके पार्टी प्रगतीशील लोकतान्त्रिक पार्टी बने नइसेकल आरोप लगागिल बा ।
प्रगतीशील लोकतान्त्रिक विकल्पका लागि सम्बाद अभियान कैलालीके आयोजनामे शनिच्चरके रोज हुइल सम्वाद कार्यक्रममे सम्वाद अभियानके सदस्यहुक्रे ओसिन आरोप लगाइल हुइट । भारीसे छोट राजनीतिक दल जौन लक्ष्य, उद्देश्यलेके खोलल रहे मने अपन अब्बे उ मुद्दा विस्रैटी स्वार्थके लाग एक दुसरसे मिल्के सत्ता पुग्न कोशिश बाहेक कुछ करे नइसेकल अभियानके सदस्य प्रशान्त सिंह बटैलै । राजनीतिक पार्टी अब्बे प्रगतिशील लोकतान्त्रिक मुद्दाहे छोरके प्रालिके रुपमे संचालन हुइलफे उहाँक आरोप बा ।
अभियानके सदस्य केशव दाहाल मुलुक एकठो सक्कु जातजातिके फुलवारी रहल जस्टे राजनीतिक दलके पार्टीमे सामानुपतिक सहभागिता नइदेखल आरोप लगैले बटै । उहाँ कहलै, पार्टी खोलेबेर सामानुपतिक सहभागिताके सिद्धान्त कना मने उप्परतहमे अपन नातपात इष्टमित्र ओ पहँुचहे केल सिफारिस कैना डेखल बा ।
अभियानके सदस्य सुरेन्द्र चौधरी भारी राजनीतिक दल सुरुमे कुछ लक्ष्य पुरा करल मने जनताके आपेक्ष अनुसार जाइ नइसेकल बटैलै । छोट राजनीतिक दल लक्ष्य पुरा नइकरके मन्त्रालयके बार्गेनिङ करके सत्ता जैना करल उहाँ बटैलै ।
अभियानके उद्देश्य देश कहाँ जाइटा, प्रगतिशील लोकतान्त्रिक नयाँ विकल्प का हो, पुरान पार्टीहे सुधारके हुइठ की भर्खर बैकल्पिक पार्टीहे विधि पद्धति बैठाके हुइठ की, सक्कुहुके सत्ता नयाँ विकल्प सोचके हुइठ की कहटी देशभर छलफल करटी आइल उहाँ बटैलै ।
यम्ने सात जानेक टीम रहल बा । जेम्ने अर्थ राजनीतिक विज्ञ प्रशान्त सिहं, सुरेन्द्र चौधरी, राजनीतिक विश्लेषक डम्मर खतिवडा,केशव दाहाल, मुमाराम खनाल, अशोक श्रेष्ठलगायतसे प्रगतिशील लोकतान्त्रिक विकल्पके बारे आ अपन बाट धारल रहिट ।
