बर्दगोरियामे पालिकास्तरीय अपांगता सञ्जाल गठन

पहुरा समाचारदाता
धनगढी, २६ भदौ । कैलालीके बर्दगोरिया गाउँपालिकामे पालिकास्तरीय अपाङता सञ्जाल गठन कैगिल बा ।

दिगो विकास समाज भजनी कैलालीके आयोजना, लुथरन वल्र्ड फेडेरेशन नेपालके आर्थिक सहयोगमे कैलाली जिल्लाके बर्दगोरिया गाउँपालिकामे रहल सक्कु प्रकारके अपांगता रहल व्यक्तिहुकनहे समेटके रमेश चौधरीके संयोजकत्मे ११ सदस्यीय अपांगता संजाल गठन कैगिल बा ।

उ संजाल गठन कार्यक्रममे दिगो विकास समाजके टेक्निकल कोडिनेटर नन्दराज भट्ट ओ कार्यक्रम सहायक बासुदेव चौधरीके सहभागीता रहल रहे । नयाँ गठन करल संजाल सदस्यहे टेक्निकल कोडिनेटर नन्दराज भट्ट अपांगता अधिकार ओ राज्यसे पैना सेवा सुविधा सम्बन्धमे सहजीकरण करल रहिट ।

बर्दगोरियामे अपांगता रहल व्यक्तिके लाग वकालत ओ स्थानीय श्रोत साधनके सदुपयोग कैना अपाङता सम्बन्धी काम कैना सस्था नइरहल ओरसे स्थानीयसे अपाङता सम्बन्धी आवश्यक सल्लाह सुझाव ओ परामर्श समेत नइपैना जिल्ला ओ प्रदेशस्तरमे समन्वय कैना कांैनो संरचना नइरहल अवस्थामे अपांगता अभियानहे उच्च तहमे पुगैना ओ स्थानीय अपांगता रहल नागरिकहे राज्यके मुलप्रवाहमे नानके सेवा सुविधामे पहुँच अभिवृद्धिसहित अपांगता मैत्रीपुर्ण वातावरणके निर्माण करटी विभेदरहिट समतामूलक समाजके निर्माण कैना उद्देश्यसे पालिकास्तरीय संजाल गठन करल जानकारी डेहल रहिट । कार्यक्रममे ३० जाने अपांगता रहल व्यक्तिहुकनके सहभागिल रहल रहे ।