रामजानकी सामुदायिक वनके नवौं वार्षिक साधारणसभा
पहुरा समाचारदाता
पहलमानपुर, ३ कुवाँर । कैलालीके घोडाघोडी नगरपालिका वडा नम्बर ११ मुर्गाहुवामे श्री रामजानकी सामाुदायिक वनके नवौं वार्षिक साधारण सभा तथा सार्वजनिक सुनुवाई कार्यक्रम बुधके रोज सम्पन्न हुइल बा ।
सामाुदायिक वनके अध्यक्ष चन्द्रबहादुर चौधरीके अध्यक्षतामे हुइल कार्यक्रममे वडका पहुना डिभिजन वन कार्यालयके वन रक्षक जुगराम चौधरी ओ विशिष्ट पहुना वडा महिला सदस्य पार्वती कठरिया रहल रहिट ।
कार्यक्रममे पकरिया सामुदायिक वनके सदस्य राम बहादुर चौधरी, त्रिशक्ति सामुदायिक वनके अध्यक्ष फागुराम कठरिया, पहुरा थारु दैनिकके पहलमानपुर समाचारदाता जीवन चौधरी, समाज सेवी विमला चौधरी लगायतसे मन्तव्य व्यक्त करल रहिट । कार्यक्रममे लेखा संयोजक प्रदेशु चौधरी आयव्यय विवरण प्रस्तुत करल रहिट ।
कार्यक्रमके संचालन उपाध्यक्ष विरेन्द्र लाल थारु ओ स्वागत मन्तव्य भागरथी विष्ट करल रहिट ।
