लागू औषध चरेशसहित एक जाने पक्राउ

पहुरा समाचारदाता
धनगढी, ४ कुवाँर । कैलाली, गौरीगंगा नगरपालिका–४ राजीपुर खल्ला बजार स्थित पुर्व–पश्चिम राजमार्गसे ४ किलो ७१०ग्राम लागू औषध चरेश सहित जाने पक्राउ परल बटै ।

जिल्ला बझाङ, सुर्मा गा.पा. ४ ठगुनडाँडा बैठना बर्ष ४४ के सालीभान पुजाराहे बिफेक रोज दुपहर प्रहरी टोली पक्राउ करल हो । गोप्यसूचनाके आधारमे लागू औषध नियन्त्रण ब्यूरो कोटेश्वर काठमाण्डौ शाखा कार्यालय महेन्द्रनगर नेपाल प्रहरी प्रदेश कार्यालय महेन्द्रनगर ओ ईलाका प्रहरी कार्यालय चौमाला कैलालीसे खटके गैल संयुक्त प्रहरी टोली चेकजाँच करेबेर हुकान थेनसे उ पदार्थ फेला पारके पक्राउ करल हो ।

ओस्टेक करके हुकानथेनसे भारतिय रू.१८ हजार ५ सय रुप्या फेला परल रहे । यी सम्बन्धमे प्रहरी थप अनुसन्धान करटी रहल बा ।