थाकस कैलाली क्षेत्र नम्बर १ मे लौवा कार्य समिति चयन

पहुरा समाचारदाता
धनगढी, ५ कुवाँर । थारु कल्याणकारिणी सभा कैलाली क्षेत्र नम्बर १ मे लौटन चौधरीके सभापतित्वमे लौव कार्यसमिति चयन कैगिल बा ।

थारु कल्याणकारिणी सभा कैलाली क्षेत्र नम्बर १ के १०औं अधिवेशनसे शुकके रोज १५ सदस्यीय क्षेत्रीय समिति गठन कैगिल हो । समितिके उपसभापतिमे रमेश चौधरी, सन्तराम चौधरी ओ हेमन्तीदेवी चौधरी रहल बटै ।

ओस्टेक सचिवमे पंकज चौधरी, कोषाध्यक्षमे शर्मिला चौधरी ओ सहसचिवमे सुन्दर भगोरिया निर्वाचित हुइल बटै । ओस्टेक सदस्यमे अर्चना चौधरी, टीकाराम चौधरी, सुनिल महतो, लहानी थारु, सुरेश चौधरी, विसराम चौधरी, नेतराम राउत ओ अनिल चौधरी रहल बटै ।

सक्कु जाने निर्विरोध निर्वाचित हुइल थारु विद्यार्थी समाज कैलालीके अध्यक्ष आशिष चौधरी जनैलै । ओस्टे आज शनिच्चरके रोज थारु कल्याणकारिणी सभा कैलालीके जिल्ला अधिवेशन कैलारी गाउँपालिकाके हसुलियामे हुइना बा ।