जनप्रतिनिधिनहे संविधान कार्यान्वयनमे ध्यान डेना सिटौलाके सुझाव
पहुरा समाचारदाता
धनगढी, १० कुवाँर । नेपाली काँग्रेसका नेता तथा पूर्वमहामन्त्री कृष्णप्रसाद सिटौला जनप्रतिनिधिनहे संविधान कार्यान्वयनमे ध्यान डेना सुझाव डेले बटै ।
नेपाली काँग्रेस निकट कुछ संसदके समुहसे गठित संवाद समुहसे धनगढीमे आयोजना करल ‘संविधान कार्यान्वयनमे जनप्रतिनिधिके भुमिका’ विषयक अन्तरक्रिया कार्यक्रममे बोल्टी नेता सिटौलासे संविधानसे परिकल्पना करलेसे विपरित जनप्रतिनिधिसे काम करटी रहल बटैले बटै ।
‘यी संविधान विपन्न, गरिव, असहाय, सिमान्तकृत समुह, महिला, पिछडा वर्ग, दलित, अधिकारसे वञ्चित रहल लगायतके व्यक्तिके हितमे बनल बा । ओइनके अधिकार सुनिश्चित कैना ओ राज्यके पहुँचमे नन्ना यी परिकल्पना करले बा’ उहाँ कहलै–‘मने, निर्वाचित जनप्रतिनिधिसे यिहीहे ध्यानमे नइधारके डगरघाट, पुल पुलेसा, कल्र्भट निर्माण लगायतमे केल ध्यान डेके काम करटी रहल पाइल बा ।’
संविधान कमजोर वर्ग लाग उत्तरदायी बनके आइल हो । उहे अनुसार जनप्रतिनिधिफे संविधानप्रति उत्तरदायि बनदि ।’ उहाँ स्थानीय तहमे निर्वाचित जनप्रतिनिधिसे पालिकामे रहल बजेटके व्यवस्थापन करटी संविधानसे परिकल्पना करल वर्ग तथा समुदायहे राज्यके पहुँचमे नन्ना काम करे पर्ना बटैलै । संघियतापाछे हुइल पहिल निर्वाचन पश्चातके पाँच वर्षे कार्यकालसे जनताके पक्षमे काम करे नइसेकल उहाँक कहाई रहे ।
