गोदरेज ब्राण्डके किचन सेटअप धनगढीमे विक्री वितरण सुरु

पहुरा समचारदाता
धनगढी, २४ कार्तिक । पछिल्का समय गृहणीके रोजाइमे पर्ना सफल रहल मल्टिनेशनल कम्पनी गोदरेज ब्राण्डके किचन सेटअप लगायतके सामाग्री धनगढीमे विक्री वितरण शुरु हुइल बा ।

सुदुरपश्चिममे पहिल चो गोदरेज कम्पनीके किचन सेटअप रहल दाबी बालक सुपर टेक इण्डस्ट्रीज प्रालीके संचालक जनकराज अवस्थी करले बटै । उहाँक करिब एक करोडके लगानीमे मीन जोशीसंगके सहकार्यमे शुकके रोजसे विक्रीवितरण शुरु करल बटैलै ।

ग्राहकके चाहना अनुसार गोदरेज कम्पनीके किचनके सेटअप घरमे कैना व्यवस्था समेत रहल संचालक अवस्थी बटैलै ।
धनगढी उपमहानगरपालिका ३ पुरवार पेट्रोल पम्प लग्गे रहल प्रालिमे पलंग, दराज, सोफासेट, डाइनिङ टेबल, स्टडी टेबल, अफिस टेबल, कुर्सी लगायत फर्निचरके साथे होम इन्टिरियरको सक्कु सामाग्री सुपथ मुल्यमे उपलब्ध रहल संचालक अवस्थी बटैलै ।