थारु राष्ट्रिय दैनिक
भाषा, संस्कृति ओ समाचारमूलक पत्रिका
[ थारु सम्बत ०३ फागुन २६४८, शनिच्चर ]
[ वि.सं ३ फाल्गुन २०८१, शनिबार ]
[ 15 Feb 2025, Saturday ]

सव इन्जिनियर स्वर्गीय बिशेष चौधरीके अन्त्येष्टी, गाउँपालिकासे सोम्मार शोक विदा

पहुरा | ३ मंसिर २०८०, आईतवार
सव इन्जिनियर स्वर्गीय बिशेष चौधरीके अन्त्येष्टी, गाउँपालिकासे सोम्मार शोक विदा

पहुरा समाचारदाता
हसुलिया, ३ अगहन ।
कैलारी गाउँपालिकामे कार्यरत अ.सव.इन्जिनियर, सहायक चौथौ तहके स्वर्गीय बिशेष चौधरीके अँटवारके रोज अन्त्येष्टी कैगिल बा ।

गाउँपालिकामे कार्यरत उहाँ असामयिक निधन हुइलपाछे सोम्मारके रोज गाउँपालिका एक दिन शोक विदा डेना निर्णय कैगिल बा । अगहन ४ गते सोम्मारके रोज कैलारी गाउँपालिकाके कार्यालय, वडा कार्यालय, शैक्षिक संस्था तथा स्वास्थ्य संस्थामे समेत अति आवश्यक सेवा बाहेक शोक बिदा डेना निर्णय हुइल प्रमुख प्रशासकीय अधिकृत विरबहादुर ऐर जनैलै ।

गाउँपालिकामे कार्यरत अ.सव.इन्जिनियर, सहायक चौथौ तहके स्वर्गीय बिशेष चौधरीके अन्त्येष्टी डेहक लाग श्रद्धाञ्जली अर्पण करेक लाग गाउँपालिका उपाध्यक्ष भगवतीकुमारी चौधरी, सामाजिक शाखा प्रमुख यगम कलेल, योजना शाखा प्रमुख सन्तोषकुमार चौधरीलगायत जनप्रतिनिधि ओ कर्मचारी सहभागिता जनैले रहिट । ओस्टेक करके गौरीगंगा नगरपालिकाके मेयर, उपमेयरके सहभागिता रहे ।

कैलारी गाउँपालिका वडा नम्बर ९ मे कार्यरत सवओभरसियर चौधरी कार्तिक २५ गते कर्णाली लडियामे डुबके बेपत्ता हुइल रहिट । कलेसे उहाँक शव एक हप्तापाछे यिहे अगहन १ गते घटनास्थलसे झण्डे २ किलोमिटर टरे दौलतपुरघाट लग्गे भेटल रहे ।

जनाअवजको टिप्पणीहरू