अध्यक्ष पदमे रामप्रसाद चौधरी सर्वसम्मत निर्वाचित

पहुरा समाचारदाता
धनगढी, ९ अगहन । व्याकवार्ड सोसाइटी एजुकेशन (वेस) कैलालीके ३०औं जिल्ला साधारणसभा तथा छैठौ अधिवेशन शनिच्चरके रोज धनगढीमे हुइल बा । अन्तराम चौधरीके अध्यक्षतामे हुइल उदघाटन कार्यक्रममे वडका पहुनामे वेसके केन्द्रीय कार्यवाहक अध्यक्ष यज्ञराज चौधरी रहिट ।

साधारणसभा तथा छैठौं अधिवेशनसे रामप्रसाद चौधरी (धनगढी–१३)के अध्यक्षतामे १३ सदस्यीय लौव कार्यसमिति सर्वसम्मतसे निर्वाचित हुइल बटै । उपाध्यक्षमे चित्रा चौधरी नेपाली (धनगढी–११), सचिवमे भिख्खुलाल चौधरी (टीकापुर), सहसचिवमे जानकी चौधरी (गोदावरी), कोषाध्यक्षमे लालबहादुर चौधरी (गोदावरी) रहल बटै ।

ओस्टेक सदस्यमे छेदालाल चौधरी, तुल्सी राना, रामदयाल चौधरी, शुसिला चौधरी, सुनिता चौधरी, कुमारी चौधरी, तुला चौधरी ओ नैना चौधरी रहल बटै ।