गाचुपाला तलुवा विवाद मिलाइक लाग पूर्व तयारी बैठक
पहुरा समाचारदाता
पहलमानपुर, ११ अगहन । कैलाली जिल्ला घोडाघोडी नगरपालिका ११ न. स्थित तप्पा ओ जबरपुर विच पर्ना गाचुपाला सेवा तलुवाके विवाद मिलाइक लाग सोम्मारके रोज वडा कार्यालय अम्बासामे पुर्व तयारी बैठक निम्जल बा ।
घोडाघोडी नगरपालिका–११ के वडा अध्यक्ष दानसिंह जोगीके सभाध्यक्षतामे हुइल कार्यक्रमके वडका पहुना घोडाघोडी नगरपालिका न्यायिक समिति सदस्य रोहित बम, वडा सदस्य पार्वती देवी कठरिया, ईस्वारा पार्की, नवल सिंह रावल, उमेश कुश्मी, जनता आधारभुत विद्यालय बि.व्य.समिति अध्यक्ष कृष्णबहादुर चौधरी, प्र.अ.तेज बहादुर खाती, तप्पा गाउँ भल्मन्सा नन्दराम कठरिया, जबलपुर भल्मन्सा महाराज कठरिया बाल कल्याण संघ टीकापुर के सोनु चौधरी, श्याम लाल चौधरी लगायत ३० जानेक सहभागीता रहल रहे । कार्यक्रमके उद्देश्यबारे जानकारी गंगा दुलाल करलै कलेसे कार्यक्रम सञ्चालन सहजकर्ता बन्धुप्रसाद चौधरी करलै ।
