ज्ञान ज्योतिसे शैक्षिक मुल्याङकन कार्यक्रम

पहुरा समाचारदाता
पहलमानपुर, ११ अगहन । कैलालीके घोडाघोडी नगरपालिका–१० पहलमानपुरमे ज्ञान ज्योति विद्या मन्दिरसे दुसरा त्रैमासिक परिक्षा नतिजा सार्वजनिक तथा शैक्षिक मुल्याङकन कार्यक्रम कैगिल बा ।

विद्यलायके प्रअ रघुनाथ चौधरीके घरगोस्यामे हुइल कार्यक्रममे विशिष्ट पहुना सहायक प्रअ सोमनाथ चौधरी रहल रहिट । कार्यक्रममे घोडाघोडी नगरपालिकाके कार्यपालिका सदस्य अकाश परियार, विद्यालयके संस्थापक छोटलाल चौधरी, पहुरा दैनिक पहलमानपुर सम्बाददाता जीवन चौधरीलगायत मन्तव्य व्यक्त करटी उ विद्यालयके शैक्षिक अवस्थाबारे अइना दिनमे करे पर्ना सुझाव डेहल रहिट । कार्यक्रममे संचालन विद्यालयके लोकश घटाल करल रहिट । उहे विच विद्यालय पहुरा दैनिकसे मायाके चिनो हस्तान्तरण कैगिल रहे ।