जोशीपुरमे करदाता शिक्षा कार्यक्रम
पहुरा समाचारदाता
जोशीपुर, १९ अगहन । जोशीपुर जेसीजके आयोजनमे “जेसीज सप्ताह २०८०“ अभियान कार्यक्रमके टिसरा दिन दिन, करदाता शिक्षा कार्यक्रम सम्पन्न हुइल बा ।
जोशीपुर गाउँपालिका उपाध्यक्ष रेखा देवी कठरियाके वडका पहुनामे हुइल रहे । उहाँ स्थानीय तहसे जोशीपुर गाउँपालिका भिटरके व्यवसायी, संघ संस्थाहे करदाता शिक्षा समय सान्दर्भिक बहुट मजा हुइल बा । साथे अपने अभिभावकत्वके हिसाबसे सहयोग कैना प्रतिवद्धता कार्यक्रमके वडका पहुना रेखा देवी कठरिया बटैली ।
कार्यक्रममे सव डिभिजन बन कार्यालय भजनीके प्रतिनिधी प्रकाश बि क विशिष्ट पहुना रहिट । करदाता सेवा कार्यालय लम्कीके प्रतिनिधि नायब सुब्बा प्रशिक्षक रहल रहिट । प्रशिक्षण कार्यक्रममे जोशीपुर, सिम्री, सिमराना, लक्कड बाजारके व्यवसायी तथा सामूदायिक वन प्रतिनिधी, टमान संघ संस्थासे करिब ५० से ढेरके उपस्थिति रहल रहे ।
कार्यक्रममे जोशीपुर जेसीज वर्ष २०२३ के उपाध्यक्ष जीवनलाल डगौरा स्वागत मन्तब्य रख्ले रहिट कलेसे उपाध्यक्ष सुशील चौधरी जेसीज आस्थापात वाचन करल रहिट । कर सम्बन्धी ज्ञान नइरहल कारण व्यापारी अपन अधिकार दायित्वसे अनविज्ञ बटै । वर्तमान समयमे कर सम्बन्धी अन्तरक्रिया शिक्षा अति आवश्यक रहे । यकर आयोजना जेसीज मजा कदम हो जोशीपुर जेसीजके पूर्व अध्यक्ष केशवराज जोशी बटैलै ।
