सुदूरपश्चिम महोत्सवमे थारु गाउँ प्रदर्शनी

पहुरा समाचारदाता
धनगढी,२२ अगहन । यिहे अगहन २२ से पुुस २ गतेसम संचालन हुइना सुदूरपश्चिम महोत्सव भिटर अल्ग्गे थारु गाउँ प्रदर्शनी स्थल बनागिल बा ।

थारु समुदायके कला, संस्कृति, पहिचान, भेषभुसाके साथे खानपान प्रवद्र्धनके लाग महोत्सव भिटर अल्ग्य थारु गाउँ प्रदर्शनी स्थल बनागिल हो । थारु गाउँ प्रदर्शनी स्थलमे थारु सास्कृतिक संग्राहलय, लहरु, डोला, डोली, दुई ठो अटुवा, थारु पोशक विक्री स्टल ओ थारु खानपान मिल्ना २३ ठो अल्ग्गे स्टल रहल थारु गाउँ प्रदर्शनीके संयोजक हेमन्त चौधरी जनैलै ।

सुदूरपश्चिम महोत्सवभिटर रहल थारु गाउँ प्रदर्शनी स्थलमे प्रत्येक दिन थारु संस्कृति झल्कना, थारु कलाकारहुँक्रनके प्रस्तुती रना, पुरान गीतबाँसहन प्राथमिकता डेना उहाँ बटैलै ।