सीमा नाकामे कानूनमन्त्री भट्टसे निरीक्षण
पहुरा समाचारदाता
धनगढी, २७ अगहन । सुदूरपश्चिम प्रदेशस्थित सीमानाकामे रहल सशस्त्र ओ प्रदान कैना सेवाहे प्रविधिमैत्री बनैना तयारी सुरु करल बा ।
विशेष करके ढेर आवतजावत हुइना नाकामे सशस्त्रहे प्रविधिमैत्री बनाई लागल हो । जेम्ने बुधके रोज सुदूरपश्चिमके आन्तरिक मामिला तथा कानुनमन्त्री शिवराज भट्ट, मन्त्रालयके सचिव सुशील वैद्यसहितके टोलीसे सशस्त्रके डिआइजी कुमार न्यौपानेहे कम्प्युटर ओ प्रिन्टर हस्तान्तरण करले बा ।
कैलालीके त्रिनगर, खक्रौला ओ कञ्चनपुरके गडडाचौकी नाकाके लाग १÷१ थान उ सामग्री हस्तान्तरण करल हो ।
ओस्टेक करके सीमानाकाके तथ्यांक संकलन तथा अभिलेखिकरणके लाग मन्त्रालयसे सफटवेयरफे निर्माण करटी रहल जनागिल बा ।
ओस्टेक करके सीमा सुरक्षाहे चुस्त बनैना प्रदेशसे केल करे नइसेक्ना ओरसे संघ सरकारसे आवश्यक स्रोत साधन व्यवस्थापन करे पर्ना आन्तरिक मामिला तथा कानुन मन्त्रीके कहाई बा । उहे क्रममे मन्त्रीसहितके टोली त्रिनगरके सिमा नाकामे रहल नागरिक सहायता कक्षके फे अनुगमन करले बा ।
