लागू औषध विरुद्व जनचेतनामूलक प्रशिक्षण
पहुरा समाचारदाता
धनगढी, २८ अगहन । लागू औषध दुरुपयोगके समस्या प्रतिदिन तिव्र रुपमे बह्रटी गैल ओरसे सुदूरपश्चिम प्रदेश प्रहरी कार्यालयसे लागू औषध विरुद्व जनचेतनामूलक प्रशिक्षण डेगिल बा ।
लागु औषधसे विशेष करके किशोर किशोरी प्रभावित हुई पुगल अवस्थामे यिहीहे न्यूनीकरण करेक लाग “लागू औषध विरुद्वके महाअभियान,२०८०” कार्यक्रम अन्तर्गत विफेक रोज धनगढी उप–महानगरपालिका वडा नं.१४ डि गाँउ स्थित जन–जागृती माध्यमिक बिद्यालयमे सुदूरपश्चिम प्रदेश प्रहरी कार्यालय धनगढी,कैलालीके सहकार्य ओ समन्वयमे लागू औषध नियन्त्रण सम्बन्धी जनचेतनामूलक प्रशिक्षण कार्यक्रम डेगिल हो ।
उ कार्यक्रममे विद्यालयके प्राचार्य टेक बहादुर क्षेत्री लगायत कक्षा ११ ओ १२ मे अध्ययनरत छात्र, छात्रा करके एक सय जानेक सहभागिता रहे । उ कार्यक्रममे सुदूरपश्चिम प्रदेश प्रहरी कार्यालय धनगढी,कैलालीके प्रहरी उपरीक्षक श्यामसिंह चौधरी प्रशिक्षण डेहल रहिट । कार्यक्रममे अन्तर्गत लागू औषधके परिचय, सेवनकर्तामे विल्गैना लक्षण, समग्र रुपमे पर्ना वृहत असर ओ कानूनी प्रावधानके विषयमे जनचेतनामुलक प्रशिक्षण प्रदान करल रहिट ।
