शान्ति परियोजनाके सामाजिक लेखा परिक्षण कार्यक्रम

पहुरा समाचारदाता
हसुलिया, २९ अगहन । मानव अधिकारका लागि महिला एकल महिला समुहसे संचालित ‘सामाजिक समन्वयका लागि जनताको सहभागिता परियोजना’के सामाजिक परिक्षण कार्यक्रम शुकके रोज हसुलियामे हुइल बा ।

मानव अधिकारका लागि महिला एकल महिला समुहसे कैलारी गाउँपालिका यिहे सन २०२३ जनवरीसे डिसेम्बरसम उ परियोजना लागु कैगिल परियोजना संयोजक वेद अवस्थी जानकारी डेली ।

कैलारी गाउँपालिकाके उपाध्यक्ष भगवतीकुमारी चौधरीके वडका पहुनामे हुइल कार्यक्रममे उहाँ ‘सामाजिक समन्वयका लागि जनताको सहभागिता परियोजना’से महिलाहुुकनहे आर्थिक शसक्तीकरणमे टेवा पुगाइल बटैली । उहाँ कैलारी गाउँपालिकामे परियोजनाके टमान गतिविधि संचालन करलपाछे महिला अपन अधिकारप्रति सचेत हुइल बटैली । ओस्टेक उहाँ अइना दिनमे सहयोग कैना प्रतिवद्धताफे जनैली ।

परियोजना संयोजक वेद अवस्थी शान्ति परियोजनाके सामाजिक लेखा परिक्षण कार्यक्रमके प्रतिवेदनबारे जानकारी डेटी कैलारी गाउपालिकामे ९ वडामे एकल महिला उच्च पडित तथा सिमान्तकृत करके जम्मा ११ ठो समूह संगठित हुइल बटैली । जम्मा सदस्य संख्या ३६५ जाने रहलमे एकल महिला सदस्य २२४ जाने, द्वन्दपीडित महिला संख्याः ४६ जाने ओ सिमान्तकृत महिला संख्याः ९५ जाने रहल बटैली । परियोजना मार्फत ३० जाने विपन्न एकल महिलाहुकनके निःशुल्क स्वास्थ्य परिक्षण, १५ जाने एकल महिला परिवर्तनके वाहकके रुपमे सम्मानित हुइल, १ जाने सिमान्तकृत महिलाहे २५ हजार अनुदान डेहुवइना सफल हुइल बटैली ।

ओस्टेक करके २० जाने मनोसामाजिक समस्या रहल एकल हिसापीडित महिला, द्वन्दप्रभावित, सीमान्तकृत महिलाहुकनहे परामर्श डेहुवइना सफल, १५ जाने हिसा पीडित महिलाहे न्याय डेहुवइना पहल करके न्यायमे पहँुच करैना सफल हुइल, कैलारी गाउपालिकाके ९ वडामे ११ जाने लोकल निडर परिचालन करल, कैलारी गा.पा. वडा नम्बर ४ कार्यालयसे सीमान्तकृत महिलाहुकनहे ४० हजार बजेट छुट्यइना सफल हुइल बटैली ।

कैलारी गा.पा वडा–वडासे बजेट छुट्यइना सफल तथा कृषि समूह दर्ता कैना सफल, डब्लुएचआर संस्थाहे ओ जर्मन सरकारके अर्थिक सहयोगमे संचालित परियोजना ‘सामाजिक सदभावका लागि जनताको सहभागिता कैलारी गा.पा. के रातो बुकमे पर्ना सफल हुइल उहाँ बटैली ।

कैलारी गाउपालिका वडा न ६ मे शान्ति संग्राहलय निर्माण करके व्यवस्थापन करल, विपन्न एकस महिला तथा सिमान्तकृत महिलाके १० जाने छात्राहुकनहे निःशुल्क छात्रवृत्ति वितरण, कैलारी गाउपालिका ओ मानव अधिकारको लागि महिला एकल महिला समुह विच एकदम मजा समन्वय तथा सहकार्य हुइल, यी वर्ष २ चो जर्मन एम्बेसी तथा समाज कल्याण परिषदके संयुक्त अनुगमन हुइल ओ सुझावमे एकदम मजा ओ कार्यक्षेत्र, सेवाग्राही सही छनौट, एनएपी २ समिति गठन हुइल परियोजना संयोजक बटैली ।

परियोजना संचालन करेबेर एकल महिला, द्वन्द्वपीडित, सीमान्तकृत महिलाके आर्थिक समस्या समाधान करे नइसेकल ओरसे समुहमे सक्रिय करैना कठिन, एकल महिला, द्वन्द्धपीडित, सीमान्तकृत महिला सीपमुलक तालिम प्रदान करे नइसेकल, एकल महिला, द्वन्दपीडित, सीमान्तकृत महिलाके लाग नीतिगत तथा कार्यक्रममे सम्बोधन कराई नइसेकल प्रदेश, जिल्ला ओ गाउँपालिकामे, एकल महिला, द्वन्दपीडित, सीमान्तकृत महिलाके सही तथ्यांक नइहुके कार्यक्रम तथा उहाँहुकनहे सक्रिय कराई नइसेकल बटैली । ओस्टेक करके लोकल लिडरहुकनहे पारिश्रमिकके व्यवस्था तथा यातायातके सुविधा नइहुके परिचालन कैना कठिनाई हुइलफे बटैली ।

कार्यक्रम मानव अधिकारका लागि महिला एकल महिला समुह सुदूरपश्चिम प्रदेश अध्यक्ष सुमन शर्माके अध्यक्षतामे हुइल रहे । कार्यक्रममे वडा, अध्यक्ष, कार्यपालिका सदस्य, सरोकारवाला निकाय, डब्लुएचआरके क्षेत्रमे काम कैना संस्थाके प्रतिनिधिहुकनके सहभागिता रहल रहे ।