मनेहरा सामुदायिक वनके १५ औं वार्षिक साधारण सभा

पहुरा समाचारदाता
धनगढी, ३० अगहन । मनेहरा सामुदायिक वन उपभोक्त समुहके १५ औं वार्षिक साधारण सभा सम्पन्न हुइल बा । कैलालीके धनगढी–७ स्थित मनेहरामे रहल मनेहरा सामुदायिक वन उपभोक्ता समुहके १५ औं वार्षिक साधारण सभा शनिच्चरके रोज धनगढी–७ के वडा अध्यक्ष तथा समुहके अध्यक्ष मोती रानाथारुके अध्यक्षतामे सम्पन्न हुइल बा ।

कार्यक्रममे प्रमुख अतिथी सव–डिभिजन वन कार्यालय धनगढी, कैलालीके प्रमुख गोपीकृष्ण जोशी, विशिष्ट अतिथी धनगढी–८ के वडा अध्यक्ष जुगराम चौधरी, धनगढी १२ के वडा अध्यक्ष शेर बहादुर महरा, शिवनगर खानेपानीके अध्यक्ष राजेश खाती, जिल्ला प्रहरी कार्यालयके सन्तोष बस्याल, सशस्त्र प्रहरी ३४ नं गणके सई सुरज देउवा, रेडक्रस सोसाइटीके सभापति बासुदेव बिनाडी, अतिथी बेली वन समुहके अध्यक्ष लाल ब. खलौला, भलमन्सा, समाजसेवी, बुद्धिजीवी तथा उपभोक्ता सदस्यहुकनके उपस्थितिमे कार्यक्रम सम्पन्न हुइल बा ।

आ.व. ०७९÷०८० आयव्यय ३१ लाख ७९ हजार ६३ रुपैया ७६ पैसा बराबरके रहल कहिके समुहके कोषाध्यक्ष दिनेश ब. सिंह प्रस्तुत करले रहिट । समुहके उपाध्यक्ष मैना मल्ल पाण्डे स्वागत मन्तव्य व्यक्त करल रहिट ।