सवारी दुर्घटनामे एक जानेक मृत्यु

पहुरा समाचारदाता
धनगढी, ३ पुस । कैलाली जिल्ला कैलारीगा.पा.७ बर्का बसन्ता स्थित हुलाकी सडक खण्डमे बा ८१ प ४२९८ नम्बरके मोटरसाईकल ओ से ५ प ४७७४ नम्बरके मोटरसाईकल एक आपसमे टक्राके एक जानेक मृत्यु हुइल बा ।

सोम्मार साँझके दुर्घटना हुके बा ८१ प ४२९८ नम्बरके मोटरसाईकल चालक वडा नम्बर ५ बैठना वर्ष २८ के शिशिर चौधरीके मृत्यु हुइल हो । दुर्घटनामे गम्भीर घाहिल हुइल उहाँक सेती प्रादेशिक अस्पताल धनगढीमे उपचारके क्रममे मृत्यु हुइल हो ।

दुर्घटनामे घाहिल हुइल से ५ प ४७७४ नम्बरके मोटरसाईकल चालक भजनी न.पा.५ बैठना बर्ष २६ के बिरबहादुर चौधरी ओ उहे मोटरसाईकलमे सवार वर्ष २८ के राजेश डगौराके निसर्ग अस्पताल धनगढीमे उपचार हुइटी रहल बा । दुनु मोटरसाईकल प्रहरी नियन्त्रणमे लेके घटना सम्बन्धमे आवश्यक अनुसन्धान हुइटी रहल बा ।