धनगढी स्पेल बाउन्ड च्यालेन्ज हुइना

पहुरा समाचारदाता
धनगढी, ५ पुस । एसपीए कलेजके एकेडेमिक क्लबके आयोजनामे धनगढी स्पेल बान्ड च्यालेन्ज आयोजना हुइना हुइल बा ।

विद्यार्थीहुक्रनके भाषागत क्षमताके प्रतिस्पर्धा हुइना प्रतियोगितामे कैलाली ओ कञ्चनपुरके २० से ढेर विद्यालय सहभागिता जनैना एसपीएके एकेडेमिक क्लब जनैले बा ।

प्रतियोगिता अइना माघ ७ गतेसे हुइना बा । प्रतियोगितामे शब्दसँगे चित्रके सही पहिचान, हिज्जे उच्चारणलगायतके राउण्ड रहना बावै ।

प्रतियोगितामार्फत विद्यार्थीहुक्रे आपनमे रहल भाषागत क्षमता सक्कु जनहनठन प्रस्तुत कैना मौका पैना एसपीए एकेडेमिक क्लबके अध्यक्ष रमित ढुंगाना बटैलै । धनगढी उपमहानगरपालिकासँगके सहकार्यमे हुइ लागल स्पेल बाउन्डमे एसपीए कलेज, अमेरिकन कर्नर धनगढी, नेल्टा तथा एक्स्पर्ट एजुकेशन एण्ड भिसा सर्भिसेस सहयोग करले बा ।