अबैंध भन्सार छलिका सामान सहित दुई जाने पक्राउ
पहुरा समाचारदाता
धनगढी, ७ पुस । प्रहरीसे अवैध भन्सार छलिके सामान सहिट दुई जनहनहे पक्राउ करले बा ।
धनगढी उ.म.न.पा. ८ धनगढीगाँउसे अबैंध रुपमे भारतसे भन्सार छलि करके नानल अन्दाजी मूल्य रु.५० हजार बराबरके प्याज, चिनी, आलु, प्लाष्टिक झिल्ली, साईकललगायतके सामान ओ धनगढी उ.म.न.पा.३ ट्रफिक चोकसे अन्दाजी मूल्य रु.२१ हजार २ सय बराबरके चिनी, प्याज, साबुन, नरिवल, चप्पल, मसला लगायतके सामान करके जम्मा अन्दाजी मूल्य रु.७१ हजार २ सय बराबरके सामान प्रहरी गस्ती टोली फेला पारके आवश्यक प्रक्रिया पुरा करके नियन्त्रणमे लेले बा ।
ओस्टेक करके टिकापुर न.पा.४ मौरनियासे अबैंध रुपमे भन्सार छलि करके नानल अन्दाजी मूल्य रु.४ लाख २ हजार ३८० बराबरके प्याज, सुर्ती, बिडी, खुर्सानी, प्लाष्टिक, ललिपप, चकलेट, अटो रिक्सा थान–१ सहित चालक बर्ष २२ कोनिमेस चौधरीहे शुकके सकारे प्रहरी गस्ती टोलीसे फेला पारके आवश्यक प्रक्रिया पुरा करके नियन्त्रणमे लेके उल्लेखित सामान अटो रिक्सा सहित चालकहे आवश्यक कारबाहीके लाग प्रहरी सत्ती भन्सार कार्यालयमे पठैले बा ।
ओस्टे गोदावरी न.पा. ०३ चौकीडाँडा स्थित पुर्व पश्चिम राजमार्गसे अबैंध रुपमे भन्सार छलि करके नानल अन्दाजी मूल्य रु.३८ लाख ५४ हजार ६१० बराबरके कपडा, क्रिकेट ब्याट, स्केल, क्लिप बोर्ड, बोलेरो जिप थान–१ सहित चालक जिल्ला कञ्चनपुर, बेदकोट न.पा. १० बैठना बर्ष २६ के बिरेन्द्र रानाहे शुकके रोज दुपहर प्रहरी गस्ती टोली फेला पारके आवश्यक प्रक्रिया पुरा करके नियन्त्रणमे लेके उल्लेखित सामान जिप सहित चालकहे आवश्यक कारबाहीके लाग प्रहरी भन्सार कार्यालय त्रिनगर कैलालीमे पठैले बा ।
ओस्टेक करके कञ्चनपुर जिल्ला भीमदत्त न.पा.६ ऐठपुर ओ भीमदत्तन.पा.१० तिनतारासे अबैंध रुपमे भारतसे भन्सार छलि करके नानल अन्दाजी मूल्य रु.८९ हजार ८०५ बराबरके मिश्री, चिनी, दाल, कपडा, खानेतेल, काजुलगायतके सामान शुकके प्रहरी गस्ती टोली बेवारिसे अवस्थामे फेला पारके आवश्यक प्रक्रिया पुरा करके नियन्त्रणमे लेहल प्रदेश प्रहरी कार्यालय धनगढी जनैले बा ।
