मजगाउँ थारु होमस्टे व्यवस्थापन समिति गठन
पहुरा समाचारदाता
धनगढी, १२ पु्स । कैलाली जिल्लाके गोदावरी नगरपालिका वडा ८ मजगाउँमे ‘मजगाउ थारु सामुदायिक होमस्टे’ संचालनके लाग मजगाउ थारु होमस्टे व्यवस्थापन समिति गठन कैगिल बा ।
गाउँके भल्मन्सा खड्गबहादुर चौधरीके सभापतित्व तथा वडा नम्बर ८ के वडा अध्यक्ष गोविन्द्र चौधरीके वडका पहुनामे विफेक रोज हुइल पहिल भेलासे कल्पना चौधरीके अध्यक्षतामे ११ सदस्य समिति कैगिल हो ।
समितिके उपाध्यक्षमे पेजराम चौधरी, सचिवमे वीरबहादुर चौधरी, सहसचिवमे मिना चौधरी ओ कोषाध्यक्षमे जानकी चौधरी रहल बटै । ओस्टेक करके सदस्यमे श्यामलाल चौधरी, पनिराम चौधरी, प्रीती चौधरी, फुलचरण चौधरी, सबिता चौधरी ओ फकलु चौधरी रहल बटै ।
नवगठित होमस्टेके अध्यक्ष कल्पना चौधरी थारु कला सस्कृति भाषा भेषभुषा खानपान संरक्षण संवर्द्धन तथा रैथाने, स्थानीय पर्यटन संवद्र्धन कैना उद्देश्यसे सामुदायिक होमस्टे स्थापना करल बटैले बटी ।
कार्यक्रममे थारु कल्याणकारिणी सभा कैलालीके निवर्तमान कार्यवाहक सभापति माधव चौधरी, वडा सदस्य हरिराम चौधरी, थारु कल्याणकारिणी सभा गोदावरी नगरसमिति संयोजक चनललाल चौधरीलगायत स्थानीय बृद्धिजिवी मजगाउँक स्थानीयहुकनके सहभागिता रहे ।
