कैलारीके हिउँदे÷विद्येयक अधिवेशन सुरु

पहुरा समाचारदाता
हसुलिया, २४ पुस । कैलारी गाउँपालिकाके आर्थिक वर्ष २०८०÷०८१ सालके गाउँसभा अधिवेशन(हिउँदे÷विद्ययेक अधिवेशन मंगरके रोजसे सुरु हुइल बा ।

गाउँपालिका अध्यक्ष राजसमझ चौधरीके अध्यक्षतामे हुइल कार्यक्रममे यी बरसके हिउँदे÷विद्येयक अधिवेशन सुरु हुइल जानकारी करैटी दिवंगत हुइल वडा नम्बर ८ के वडा माघुराम चौधरी ओ वडा नम्बर ९ के कार्यरत रहल कर्मचरी असिस्टेन्ट सह इन्जिनिर विशेष चौधरीके असमायिक निधन हुइलप्रति शोक प्रस्ताव पेश करल रहिट । उहाँ विद्येयक समितिहे विद्येयक तयारीके लाग निर्देशनफे डेहल रहिट । ओस्टेक करके गाउँपालिका अध्यक्षसे चीन भम्रणके अनुभव सुनाइल
रहिट ।

कार्यक्रममे गाउँपालिका उपाध्यक्ष भगवतीकुमारी चौधरी, प्रमुख प्रशासकीय अधिकृत विरबहादुर ऐर, वडा नम्बर १ से ९ समके वडा अध्यक्षहुक्रे क्रमश धोजहरिपाल बोहरा, विकास चौधरी, सन्तराम चौधरी, ठागुराम चौधरी, विष्णुप्रसाद चौधरी, प्रेमबहादुर चौधरी, दिपेन्द्रबहादुर बम(प्रवक्त), तारामल कठरिया, खेमराज चौधरीलगायत कार्यपालिका सदस्य, वडा सदस्य, पालिकाके टमान शाखाके कर्मचारीहुकनके सभागिता रहल रहे ।