एमाले कैलालीके नवौँ अधिवेशन सुरु
पहुरा समाचारदाता
धनगढी, ७ फागुन । नेकपा एमाले कैलालीके जिल्ला अधिवेशन अँटवारसे सुरु हुइल बा । सुखडमे सुरु हुइल अधिवेशनके उदघाटन एमाले अध्यक्ष केपी शर्मा ओली करले बटै ।
समारोहके उदघाटन सत्रमे बोल्टी पार्टी अध्यक्ष ओली लोकतान्त्रिक ओ मर्यादित ढंगसे नेतृत्व चयन कैना निर्देशन डेले बटै । निर्वाचन होए या सहमति मजवुत नेतृत्व चयन कैना जरुरी बा । प्रतिनिधि संघरीयाहुकनहे महत्वपूर्ण जिम्मेवारी बा । अपन जिम्मेवारीके सदुपयोग करबी अध्यक्ष ओली कहलै ।
आबके नेतृत्वसे अइना ८४ के निर्वाचनसम नेकपा एमालेहे कैलालीमे पहिल पार्टी बनैना करके काम करे पर्ना बटैलै । मोर कौनो उम्मेदवार नइहो । यहाँहुक्रे सोच्ले हुइबी पार्टी अध्यक्षके कौनो उम्मेदवारहे सहयोग हुई उ गलत हो । मोर लाग सक्कु उम्मेदवार बराबर हुइट, अध्यक्ष ओली कहलै । सोम्मारसम सहमति जुटे नइसेक्लेसे निर्वाचन प्रक्रियामे जैना अध्यक्ष ओली निर्देशन डेले बटै ।
अध्यक्ष पदके लाग यज्ञराज ढुङगना, दुर्गा जोशी ओ डेजी पाण्डे करके तीन जाने दाबी करले बटै । ढुङगाना पूर्व प्रदेश कमिटी सचिवालय सदस्य हुइट कलेसे जोशी कैलालीके कार्यवाहक अध्यक्ष ओ पाण्डे सचिव हुइट ।
उपाध्यक्षमे लोकेन्द्र शाही, मनराज शाही, नृप खडायत, मदनराज ओझा, शर्मानन्द भट्ट, गजेन्द्र स्वाँर, दलबहादुर रावल ओ प्रेम डगौरा करके ८ जाने दावी करले बटै ।
सचिवमे हितेस ओझा, ममताप्रसाद चौधरी, विष्णु चन्द, कमलबहादुर राना, चूडामणि भट्ट, आनन्दप्रसाद भट्ट, शम्भु कुँवर, वीरेन्द्रबहादुर रावल, द्वारिका न्यौपाने, विष्णुबहादुर चौधरी, बक्तबहादुर शाही ओ भीष्मराज सुवेदी करके सचिवमे १२ जाने उम्मेदवारी डेना तयारीमे बटै ।
२ पदके उपसचिवमे ३० जाने दाबी करले बटै । उपसचिवके लाग धिमलाल जोशी, राजु गुरुङ, चक्रबहादुर विष्ट, नौरता देवी खड्का, मदनराज रेग्मी, टीकाराम आचार्य, हिक्मत रावल, दलबहादुर विष्ट, केदारप्रसाद ओझा, अम्बिका विष्ट मल्ल, भुवन रिजाल, निर्मला संज्याल, किशोर शाह, लक्ष्मी केसी, गणेशबहादुर साउद, मोहन विक, ध्रुवबहादुर भण्डारी दाबी करले बटै ।
ओस्टेक खगेन्द्रकुमार ठकुल्ला, जगत बोहरा, ध््रुव खत्री, नेत्रप्रसाद खनाल, कमला कुँवर, गृष्मा चौधरी, हर्कबहादुर बुढा, टेकबहादुर बुढा, प्रेम भुल, गोविन्द कोइराला, रत्ना कुँवर गणेश बुढा ओ सुरज परियारसेफे उपसचिवमे इच्छा डेखैले बटै ।
कृषि ओ शिक्षामे जोर डेना ओलीके आग्रह
एमाले अध्यक्ष तथा पुर्व प्रधानमन्त्री केपी शर्मा ओली कृषि ओ शिक्षामे जोर डेना आग्रह करले बटै । कैलालीके बर्दगोरियाके प्रशासनिक भवन उदघाटन करटी पुर्वाधार केल नइहुके कृषि ओ शिक्षामेफे जोर डेना आग्रह करल हुइट । उहाँ नमुना काम कैना कर्मचारी तथा जनप्रतिनिधिहे सुझाव डेलै ।
‘प्रशासनिक सेवा न्यायिक सेवाके काम करे परठ,’ उहाँ कहलै, ‘पालिकामे विकासके नेता हुई परठ बाटके नेता हुके काम नइचली ।’ उहाँ विकासके लाग उत्पादन कैना ओ उत्पादनहे प्रविधिमे जोरना सुझाव डेलै । ‘मत्स्यपालकके भारी सम्भावना बा, कृषिके सम्भावना बा । छेउसे कर्णाली बहल बा । यहाँ सिचाइके कौनो समस्या हुई पर्ना बाट नइहो,’ ओली कहलै ।
नयाँपन ओ नयाँ प्रविधिसे कृषि उत्पादन बह्राई सेक्नामे ओलीके जोर रहे । बर्दगोरिया गाउँपालिकाके प्रशासनिक भवन आर्थिक वर्ष २०७६÷०७७ सालसे निर्माण सुरु करल प्रशासनिक भवन ५ वर्ष पाछे सम्पन्न हुइल हो ।
६ करोड १७ लाख लागतके ५० कोठे भवन १५ महिनामे सम्पन्न कैना करके श्यामसुन्दर निर्माण सेवासे २०७६ के सावनमे ठेक्का सम्झौता करल रहे ।
स्थानीय तह स्थापनासे भाडाके घरमे कार्यालय सञ्चालन करल गाउँपालिकासे यी बेला भर अपने भवनसे सेवा प्रवाह करटी आइल बा ।
