नवनिर्मित विद्यालय भवनके अनुगमन
पहुरा समाचारदाता
हसुलिया, ११ माघ । कैलारी गाउँपालिका वडा नम्बर १ स्थित दिपेन्द्र माविके नवनिर्मित भवनके अनुगमन समितिसे शुकके रोज अनुगमन करले बा ।
पालिकास्तरीय अनुगमन समितिके संयोजक भगवतीकुमारी चौधरीके नेतृृत्वमे शुकके रोज रोज उ विद्यालय भवनके अनुगमन कैगिल हो । विद्यालयके नवनिर्मित चारकोठे भवन कैलारी गाउँपालिका ओ जिल्ला समन्वय समिति कैलालीके लगानीमे निर्माण हुइल हो । उ भवनके निर्माण लागत ८६ लाख ९३ हजार १५२ रुप्या रहल बा । भवनके निर्माण कार्य सम्पन्न हुइल बा ।
अनुगमनमे समितिके संयोजक भगवतीकुमारी चौधरी, प्रमुख प्रशासकीय अधिकृत लक्ष्मी दत्त भट्ट, वडा नम्बर ६ के वडा अध्यक्ष प्रेमबहादुर चौधरी, कार्यपालिका सदस्य लालबहादुर विक, योजना शाखा प्रमुख सन्तोषकुमार चौधरी, प्राविधिक असिस्टेन्ट सबइन्जिनियर रवि शंकर चौधरी, विद्यालयके प्रअ विनोद भट्टराई लगायतके उपस्थिति रहे ।
