एमाले कैलाली अध्यक्षमे ढुंगाना विजयी
पहुरा समाचारदाता
धनगढी, १३ फागुन । नेकपा (एमाले) कैलाली अध्यक्षमे यज्ञराज ढुंगाना विजयी हुइल बाटै । उहाँ आपन निकटतम प्रतिद्वन्द्वी डेजी पाण्डेयहे ६९ मत अन्तरसे पराजित कैके अध्यक्षमे विजयी हुइल हुइट ।
विजयी ढुंगाना २८७ ओ पराजित हुइल पाण्डेय २१८ मत प्राप्त करल रहिट । ओस्टके, अध्यक्षके औरे उम्मेदवार दुर्गाप्रसाद जोशी ६३ मत प्राप्त कैके पराजित हुइल बाटै ।
उपाध्यक्षमे पाण्डेय प्यानलके लोकेन्द्रबहादुर शाही पाँच मतान्तरसे विजयी हुइल बाटै । विजयी शाही १९३ मत पाइबर उहाँके निकटतम प्रतिद्वन्द्वी दलबहादुर विष्ट १८८ मत प्राप्त करल रहिट । उपाध्यक्षके उम्मेदवार विष्णु चौधरी १०६, मदनराज ओझा ३३ ओ गजेन्द्र स्वाँर २७ मत प्राप्त करल रहिट ।
सचिवमे पाण्डेय प्यानलके ममताप्रसाद चौधरी २४३ मत लानके विजयी हुइल बाटै । उहाँके निकटतम प्रतिद्वन्द्वी ढुंगाना प्यानलके विष्णुकुमार चन्द १६८ मत प्राप्त करल रहिट । सचिवके औरे उम्मेदवार दानबहादुर विश्वकर्मा १४७ मत प्राप्त करल रहिट ।
उपसचिव (खुलातर्फ) ढुंगाना प्यानलके चूडामणि भट्ट २५१ पाके विजयी हुइल बाटै । उहाँके निकटतम प्रतिद्वन्द्वी भुवन रिजाल१२३ मत प्राप्त करले बाटै । ओस्टके, उपसचिवके उम्मेदवार नृप थ्यायत खड्का ९५, राजु गुरुङ ७१ मत प्राप्त करल रहिट ।
उपसचिव (महिला) मे गंगाकुमारी चौधरी १९६ मत पाके विजयी हुइल बाटी । उहाँके प्रतिद्वन्द्वी शान्तिदेवी सिंह १६१, रत्ना कुँवर जोशी ९४, अम्बिका विष्ट ९० मत पाइल बाटै ।
एमाले कैलालीके नयाँ नेतृत्व चयनके लाग नवौँ अधिवेशन सुरु हुइल छैटौँ दिनमे शुकके निर्वाचन हुइल रहे । निर्वाचनमे ५७७ मत गिरल रहे ।
