वित्तिय सुशासन अभिमुखीकरण कार्यक्रम सम्पन्न
पहुरा समाचारदाता
हसुलिया, १७ फागुन । कैलारी गाउँपालिकाके सुशासन समिति तथा जनप्रतिनिधिहुकनहे वित्तिय सुशासन सम्बन्धी अभिमुखीकरण तालिम डेगैल बा ।
सामाजिक विकास मञ्चके आयोजना तथा गाउँपालिकाके आर्थिक सहयोगमे सुशासन समिति तथा जनप्रतिनिधिहुकनके लाग फागुन १४ गतेसे सुरु हुइल वित्तिय सुशासन सम्बन्धी अभिमुखीकरण तालिम विफेक रोज सम्पन्न हुइल बा ।
गाउँपालिका उपाध्यक्ष भवगतीकुमारी चौधरीके अध्यक्षतामे हुइल समापन कार्यक्रममे गाउँपालिकाके प्रवक्ता तथा वडा नम्बर ७ के वडा अध्यक्ष दिपेन्द्रबहादुर बम, प्रमुख प्रशासकीय अधिकृत लक्ष्मी दत्त भट्टलगायत मन्तव्य व्यक्त करल रहिट ।
कार्यक्रममे वडा नम्बर १ वडा अध्यक्ष धोजहरिपाल बोहरा, वडा नम्बर २ वडा अध्यक्ष विकास चौधरी, वडा नम्बर ३ वडा अध्यक्ष सन्तराम चौधरी, वडा नम्बर ४ के वडा अध्यक्ष ठागुराम चौधरी, वडा नम्बर ५ के वडा अध्यक्ष विष्णु प्रसाद चौधरी, वडा नम्बर ६ के वडा अध्यक्ष प्रेम बहादुर चौधरी, वढा नम्बर ८ के वडा अध्यक्ष तारामल कठरिया, वडा नम्बर ९ के वडा अध्यक्ष खेमराज चौधरी, सक्कु कार्यपालिका सदस्य, वडा सदस्यहुकनके सहभागिता रहल बा ।
कार्यक्रमके सहजीकरण सामाजिक विकास शाखा प्रमुख यगम कलेल ओ संचालन गणेशदेव पार्की करल रहिट ।
