चैतन्य पाठशालाके तेक्वान्दो च्याम्पियनशिप २०८०

पहुरा समाचारदाता
धनगढी, १९ फागुन । धनगढीमे रहल चैतन्य पाठशालाके वार्षिक खेल अन्तरगत तेक्वान्दो च्याम्पियनशिप २०८० शुकके रोज भव्य रुपसे सम्पन्न हुइल बा ।

टमान तौल समूहमे ५० जाने खेलाडी प्रतिस्पर्धा करटी अपने सिखल उत्कृष्ट कलाके प्रदर्शन करल रहिट । उहे तेक्वान्दो च्याम्पियनशिप २०८० कार्यक्रममे तेक्वान्दोके वरिष्ठ प्रशिक्षक शेर बहादुर सिंह, सुदूरपश्चिम तेक्वान्दो सचिव श्रीराम चौधरी, तेक्वान्दो सिनियर प्रशिक्षक आशिष चन्द, एपीएफ पूर्व तेक्वान्दो प्रशिक्षक मोतीलाल राना रहल रहिट ।

ओस्टेक जनहित तेक्वान्दो डोजाङ प्रमूख योगेन्द्र खोलौला, रेफ्रीहुक्रे, पाठशालाके पिटीए अध्यक्ष ईश्वर गिरी, अभिभावक, विद्यार्थीहुकनके उपस्थिती रहल रहे । प्रतियोगितामे वेस्ट फाइटर आयुष्मान सिंह राइजिङ प्लेयर विराज बोहरा, डिसिप्लिन प्लेयर सागर थापा जिटल रहिट ।