खानेपानी पहुँच सुनिश्चित कैना एक घर एक धाराः मन्त्री देउवा
पहुरा समाचारदाता
धनगढी, १९ फागुन । सुदूरपश्चिम प्रदेशके भौतिक पूर्वाधार विकास मन्त्री प्रकाशबहादुर देउवा प्रदेशभर आधारभूतस्तरके खानेपानी सुविधाके पहुँच ८६ प्रतिशत जनसंख्यामे पुगसेकल बटैले बटै ।
कैलालीके गोदावरी नगरपालिका–४ मे रहल बासकोटा खानेपानी तथा सरसफाई उपभोक्ता समितिके दुसरा वार्षिक साधारण सभा तथा आयोजना हस्तान्तरण कार्यक्रममे बोल्टी उहाँ यैसिन बटाइल हुइट । दिगो भरपर्दो गुणस्तरीय खानेपानी तथा सरसफाइ सुविधा सक्कु नागरिकहे पु¥यइना प्रदेश सरकारके पञ्चवर्षीय योजनाके लक्ष्य रहल बटैलै ।
०८०÷०८१ के नीति तथा कार्यक्रममे सक्कुहुनहे आधारभूत स्तरके खानेपानी सेवामे पहुँच सुनिश्चित कैना एक घर एक धारा कार्यक्रम रहल जानकारी करैटी मन्त्री देउवा खानेपानी सेवासे वञ्चित तथा विपन्न बस्तीमे खानेपानी आपूर्तिके विशेष व्यवस्था कैना बटैलै ।
संघीय, प्रदेश ओ स्थानीय तहके समन्वयमे तथा सहकार्यमे खानेपानी, सरसफाई तथा स्वच्छता गुरुयोजना तयार करके कार्यान्वयन कैना, मध्यम तथा उच्चस्तरके खानेपानी सेवाके स्तरबृद्धि कैना समुदायमे आधारित खानेपानी आयोजनाहे प्राथमिकता साथ आघे बढैना मन्त्री देउवा बटैलै ।
सामुदायिक विद्यालय एवम् स्वास्थ्य संस्थाहे विशेष प्राथमिकता डेके यिहे आर्थिक वर्ष भिटर गुणस्तरीय खानेपानीके लाग फिल्टर सहितके खानेपानी व्यवस्था हुइटी रहल समेत उहाँके कहाई रहे ।
उहाँ नगर विकास कोष ओ स्थानीयके सह–लगानीमे निर्माण हुइल साना सहरी खानेपानी संस्थासे लगानीके सावाँ ओ व्याज भुक्तानी कैनाु, खानेपानी ओभर हेड टंकीसे शुद्ध खानेपानी नागरिकके घर घर पु¥यइना सीमित जनशक्ति तथा श्रोत साधनसे सञ्चालन कैना, सडक निर्माण करेबेर खानेपानीसंग समन्वय नइहुके हुइना क्षति मुख्य चुनौतीके रूपमे रहल बटैलै ।
खानेपानीके समस्या समाधानके लाग तीन तहके सरकार मिल्के समाधान करे पर्ना उहाँक कहाई बा । प्रदेश सरकार निर्माण हुइलथेनसे विकासहे डेख्ना ओ जनताहे महसुस कैना करके विकासके कार्यहे आघे बहैना नीतिगत निर्णय करके अपने आघे बह्रल मन्त्री देउवा बटैलै ।
जनताहे सुशासनके प्रत्याभूति डेहुइवा ओ सेवा प्रभावहे चुस्त दुरुस्त बनैना आवश्यक कानुनी ओ नीतिगत सुधारमे सरकारसे सक्कु ध्यान केन्द्रित करल उहाँक कहाई बा । कार्यक्रममे प्रदेश सभा सदस्य प्रकाशबहादुर बम, तुलसी देवकोटा, खिमादेवी विष्ट, गोदावरी नगरपालिकाके नगरप्रमुख वीरेन्द्र भट्ट, नगर उप–प्रमुख, मन्त्रालयके सचिवलगायतके सहभागी रहे ।
