बजाज माइलेज च्याम्पीयन

पहिलमे सुनिल, दुसरामे नरेन्द्र ओ टिसरामे राजकुमार

पहुरा समाचारदाता
धनगढी, २० फागुन । बजाज मोटरसाइकलके आधिकारिक विक्रेता हंसराज हुलास चन्द एण्ड कम्पनी प्रालिके आयोजना तथा धनगढीके लाग आधिकारिक विक्रेता दिनेश अटोमोटिभ्स धनगढीके सहकार्यमे १२५ सिसि पल्सर बजाज मोटरसाइकल माइलेज च्याम्पियन २०८० प्रतियोगिता हुइल बा ।

अटँवारके रोज धनगढीमे हुइल च्याम्पियन २०८० प्रतियोगितामे पहिल स्थानमे सुनिल चौधरी, दुसरा स्थानमे नरेन्द्र चौधरी ओ टिसरा स्थानमे राजकुमार चौधरी हुइल बटै । पहिल, दुसरा ओ टिसरा हुइलहे क्रमश ७ हजार, ५ हजार ओ ३ हजार सहिट ट्रफी प्रदान कैगिल बा ।

विजेताहुकनके एक कार्यक्रमके विच दिनेश ग्रुपके अध्यक्ष श्याम हमाल पुरस्कार वितरण करल रहिट । विजेताहुकनहे पुरस्कार वितरण करटी उहाँ बधाई तथा शुभकामना व्यक्त करल रहिट । ओस्टेक करके बजाज मोटरसाइकल ओ उ कार्यक्रमबारे दिनेश अटोमोटिभ्स धनगढीके डिजिएम तेज बम जानकारी डेहल रहिट ।