सुदूरपश्चिमके आर्थिक मामिला मन्त्री शाही पदमुक्त
पहुरा समाचारदाता
धनगढी, २४ फागुन । सुदूरपश्चिम प्रदेशके मुख्यमन्त्री कमलबहादुर शाह नेकपा (एकीकृत समाजवादी) के मन्त्रीहे फेन पदमुक्त करले बाटै ।
सङ्घमे बनल लावा सत्ता गठबन्धनमे एकीकृत समाजवादी समावेश हुइलपाछे मुख्यमन्त्री आर्थिक मामिला मन्त्री नरेशकुमार शाहीहे पदमुक्त करल हुइट । उहीसे आघे, उहाँ नेकपा (माओवादी केन्द्र) के तीन मन्त्रीहे पदमुक्त करलसेकल बाटै ।
सङ्घमे बनल लावा गठबन्धनके कारण सुदूरपश्चिम प्रदेश सरकार फेरबदलके विषय फेन आब पेचिलो बन्टी गैल बा । मुख्यमन्त्री दुई दलके मन्त्रीहे पदमुक्त करलपाछे उहाँ अल्पमतमे पर्ना निश्चित हुइल बा । माओवादी केन्द्रसे सरकारहे डेहल समर्थन फिर्ता लेसेकल बा । एकीकृत समाजवादी समेत सरकारके साथ छोरलमे मुख्यमन्त्री अल्पमतमे पर्ना बाटै । सुदूरपश्चिममे काँग्रेस, माओवादी, नागरिक उन्मुक्ति पार्टी ओ नेकपा (एकीकृत समाजवादी) के संयुक्त सरकार रहल बा ।
