वडीकेदारके प्रशासनिक भवनके उद्घाटन
पहुरा समाचारदाता
धनगढी, २४ फागुन । वडीकेदार गाउँपालिका गाउँ कार्यपालिकाके नवनिर्मित प्रशासनिक भवनके उद्घाटन सुदूरपश्चिम प्रदेश सरकारके मुख्यमन्त्री कमलबहादुर शाह करले बटैं ।
नवनिर्मित भवन उद्घाटनके अवसरमे मुख्यमन्त्री शाह संघीयताके भावना अनुरुप जनताहे यी नवनिर्मित मुख्य प्रशासनिक भवनसे पालिकासे प्रदान करना सेवासुविधा सरल, सहज ओ गुणस्तरीय सेवा प्रवाहसे जनताहे पालिका सरकार हमार हो कना भावनाके विकास करैहि कना शुभकामना व्यक्त करलैं ।
साथे पाछेक चो हम्रे स्थिर सरकारके पक्षमे बटि सब प्रदेशमे रहल दलसँग मै छलफल आगे बह्रैले बटु । काल्हके निर्वाचनमे हम्रे जैसिक जनताके बिचमे स्थिर सरकार बनाक कना बाचा करले रहि । ओकर पूर्ण कार्यान्वयनमे सरकार आगे बह्रल बेला कुछ परिवर्तनके संकेत डेखाइल बा । यम्ने फेन हम्रे सबसँग प्रदेशके समृद्धि विकासके लाग स्थिर सरकार अब्बेक आवश्यकता रहल ओरसे यकर लाग अप्ने पहल करल बटैलैं ।
साथे उहाँ नवनिर्मित भवनके उदुघाटनके क्रममे संविधानके मुल मर्म अनुसार तीन तहके सरकार बिच समन्वय, सहकार्य ओ सहअस्तित्वके भावना अनुरुप यहाँक शिक्षा, स्वास्थ, सडक पुर्वाधार, खानेपानी, उर्जा, रोजगारी, कृषि ओ पर्यटन लगायत यहाँक नागरिकके जीवनस्तर उठैना कार्यमे प्रदेश सरकारके ओरसे आवश्यक सहयोग करना बटैलैं ।
उ कार्यक्रममे सुदूरपश्चिम प्रदेश सभा सदस्य शिवसिंह ओली विशिष्ट अतिथि रहैं कलेसे कार्यक्रममे वडीकेदार गाउँपालिकाके अध्यक्ष भैरव साउँदके अध्यक्षता हुइल रहे । स्वागत मन्तव्य उपाध्यक्ष डम्मरी बिष्ट कलेल करले रहैं ।
उ भवन संघीय सरकारके समपुरक अनुदानमे २ करोड ५७ लाखके लागतमे १६ कोठासहितके २ तले भवनके निर्माण हुइल बा ।
