कानून तथा नेतृत्व विकासमे जनचेतना अभिवृद्धि तालिम

पहुरा समाचारदाता
हसुलिया, २५ फागुन । कानून तथा नेतृत्व विकासमे जनचेतना अभिबृद्धि तालिम विफेक रोज कैलारी गाउँपालिकाके पवेरामे सम्पन्न हुइल बा ।

कैलारी गाउँपालिकाके आर्थिक सहयोगमे थारु महिला संजाल कैलारी गाउँपालिकाके आयोजनामे एक दिने तालिम हुइल हो । कैलारी गाउँपालिका उपाध्यक्ष भगवतीकुमारी चौधरीके बरका पहुनामे हुइल कार्यक्रममे उहाँ कानूनमे महिलाहुकनके टमान हकअधिकार समेटल मने जनचेतना पुगे नइसेकल बटैली । कानूनी ज्ञानके कमीके कारण ग्रामीण क्षेत्रके महिला पाछे परल उहाँ बटैली ।

थारु महिला संजाल कैलारी गाउँपालिकाके अध्यक्ष सरिता चौधरीके अध्यक्षतामे हुइल कार्यक्रममे वडा सदस्य भागुदास चौधरी, वडा सचिव सोनुराम चौधरीलगायतके सहभागिता रहल रहे । कार्यक्रमके संचालन आरती चौधरी करल रहिट ।