तेक्वान्दो प्रशिक्षक सिंहहे चैतन्य खेल साधना पुरस्कार
पहुरा समाचारदाता
धनगढी, ३० फागुन । धनगढी उपमहानगरपालिका वडा नम्बर–५ शिवनगरस्थित चैतन्य पाठशालासे २३ औँ वार्षिकोत्सव तथा अभिभावक दिवसके अवसरमे टमान व्यक्तिहुकनहे सम्मान कैगिल बा ।
साहित्य, कला, खेल तथा शिक्षा क्षेत्रमे मा योगदान पुगाइल कहटी टमान व्यक्तित्वहुकनहे सम्मान कैगिल हो । सम्मानित हुइलमे चैतन्य खेल साधना पुरस्कार २०८० से तेक्वान्दो प्रशिक्षक शेरबहादुर सिंहहे नगद रु २५ हजारसहित सम्मान कैगिल बा ।
ओस्टेक करके चैतन्य साहित्य साधना पुरस्कार २०८० से साहित्यकार यज्ञराज यात्रीहे नगद रु २५ हजारसहित सम्मान, चैतन्य कला साधना पुरस्कार २०८० से डेउडा गायिका डिक्रा देवी गाइनेहे रु १० हजार नगद, सम्मानपत्र दोसल्ला सहित सम्मान करल प्राधानाध्यापक कटकबहादुर सिँह जानकारी डेलै । ओस्टेक विद्यालय संस्थापक प्रिन्सिपल उदय प्रताप सिंहहे दीर्घ शिक्षा साधना सम्मान रु २२ हजार सहित सम्मान करल बा ।
