तीन दिने उदघोषण तालिम निम्जल

पहुरा समाचारदाता
हसुलिया, १ चैत । कैलालीके कैलारी गाउँपालिका वडा नम्बर ५ पवेरामे तीन दिने वडा स्तरीय उदघोषण तालिम निम्जल बा ।

थारु महिला संजाल शाखा कार्यसमिति हसुलियाके आयोजना तथा कैलारी गाउँपालिका वडा नम्बर ५ के आर्थिक सहयोगमे क्षमता अभिवृद्धिके लाग फागुन २९ गतेसे चैत १ गतेसम तीन दिने तालिमके आयोजना करल रहे । तालिम समापन कार्यक्रम कैलारी गाउँपालिका वडा नम्बर ५ के वडा अध्यक्ष विष्णु प्रसाद चौधरीके वरका पहुनामे हुइल रहे ।

कार्यक्रममे सम्बोधन करटी उहाँ ग्रामीण क्षेत्रमे महिला अपन गाउँ ठाउँके समस्या धारे नइसेकल सेकल बटैले । उदघोषण तालिमसे बोले सेक्ना क्षमताके अभिवृद्धि हुइल उहाँ बटैलै । कार्यक्रममे विशिष्ट पहुना वडा सदस्य अनारकली चौधरी, भागुदास चौधरी, वडा सचिव सोनुराम चौधरीलगायतके पहुना रहिट ।

थारु महिला संजाल शाखा कार्यसमिति हसुलियाके अध्यक्ष सरिता चौधरीके अध्यक्षतामे हुइल कार्यक्रममे स्वागत मन्तव्य संजालके उपाध्यक्ष आरती चौधरी करल रहिट । तालिम उदघाटन कार्यक्रममे संचालन अनिता चौधरी करल रहिट । कलेसे समापन काय्र्रक्रमके संचालन बनिता चौधरी ओ सुमिना चौधरी करल रहिट । तालिममे दलबहादुर घर्तीमगर प्रशिक्षण डेहल रहिट ।