धनगढी संजिवनी अस्पताल संचालनमे
पहुरा समाचारदाता
धनगढी, २ चैत । कैलालीके धनगढी उपमहानगपालिका–५ हसनपुरस्थित राष्ट्र बैंक चोक धनगढी संजिवनी अस्पताल संचालनमे आइल बा ।
धनगढी उपमहानगरपालिकासे १५ शथ्या अस्पताल संचालन कैना स्वीकृति पाइलपाछे यिहे चैत १ गतेसे पूर्ण रुपमे स्वास्थ्य सेवा सुचारु हुइल हो ।
आधुनिक ल्याव, फार्मेसी एक्सरे, भिडियो एक्सरे सेवा ओ चौविसे घण्टा इर्मेजेन्सी सेवा सुरु हुइल अस्पतालके वरिष्ठ फिजिसियन डा. सुमन चौधरी जानकारी डेलै । ओस्टेक करके अस्पतालमे जनरल सर्जरी, स्त्री तथा प्रसुती सेवा, बालरोग, नाक कान घाँटीके समस्या, हाड जोर्नी, नसा दन्त रोग उपचार तथा परामर्श सेवा उपलब्ध रहल डा. चौधरी बटैलै ।
अस्पतालसे सर्वसुलभ ओ गुणस्तरीय सेवा प्रवाह कैना उद्देश्यके साथ स्थापना हुइल ओ कुछ दिनमे भेन्टिलेटरसहित आइसियू ओ एनआइसियू सेवा प्रदान कैना योजना रहल अस्पतालके वरिष्ठ फिजिसियन डा. सुमन चौधरी जानकारी डेलै ।
