पत्रकार न्युरेसहित सात महिला सम्मानित
पहुरा समाचारदाता
धनगढी, ३ चैत । कैलाली जिल्लाके धनगढीमे रहल सौराइ स्क्वायरसे करल नारी सम्मान २०८० से पत्रकार जमुना न्युरेसहित सात महिला सम्मानित हुूइल बटै ।
पत्रकार न्युरे कैलाली जिल्लाके मध्यवर्ती क्षेत्र घोडाघोडी नगरपालिकाके ग्रामीण नारायणपुरमे रहिके करिब १५ बर्षसे वन, वातावरण, जैविक विविधता, महिला, शिक्षा तथा स्वास्थ्यके क्षेत्रहे अपन पत्रकारिताके मुख्य क्षेत्र (विट) बनाके समाजमे महत्वपूर्ण भूमिका खेलल कहटी सम्मानित करले बा । पत्रकार न्युरे नेपाल प्रेस युनियनके केन्दीय सदस्य ओ सत्ती कर्णाली अनलाईनके कार्यकारी सम्पादक समेत हुइट ।
सौराइ स्क्वायर धनगढीसे ११४ औ अन्तर्राष्ट्रिय नारी दिवस अवसर पारके सौराइ स्क्वायरसे टमान क्षेत्रमे काम करल ७ जाने महिलाहे सम्मान करल हो । महिला तथा समाजमे योगदान पुगाइल मने राज्यके दृष्टिकोणमे नइपरल महिलाहे सम्मान करले बा । सम्मानितहुइलमे स्वास्थ्य क्षेत्रके जयकला रावल, अपाङता हुकेफे सफल व्यवसायी शान्ती रोकाया, थारु कला सस्कृति सरक्षण समिक्षा चौधरी, मानवअधिकारकर्मी महेश्वरी भट्ट, शिक्षिका तुलसी शर्मा, समाजसेवी शारदा शाह रहल बटै ।
